Frekari vaxtahækkanir Seðlabankans nánast öruggar.

Frétt af mbl.is

  Gengislækkun gæti gert vandann enn verri

Viðskipti | Morgunblaðið | 27.2.2008 | 5:30

„Full ástæða er til að hafa áhyggjur af þeim vanda sem fjármálakerfið stendur frammi fyrir. En leiðin til að leysa þann vanda er ekki fólgin í því að víkja verðbólgumarkmiðum til hliðar. Það mundi hafa þveröfug áhrif og auka enn frekar á vandann til lengri tíma litið,“ segir Arnór Sighvatsson aðalhagfræðingur Seðlabanka Íslands um ummæli þingmannanna Illuga Gunnarssonar og Bjarna Benediktssonar í Morgunblaðinu í gær.
Lesa meira

----------------------------------------------

Evran hefur hækkað um 40% á tveimur árum eða síðan stýrivextir seðlabankans voru í 10% (hafa á tímabilinu hækkað í 13.75%). Þegar seðlabankinn neyðist til að byrja að lækka vexti mun hún því augljóslega fljótt rjúka upp um tugi prósenta í viðbót. Efnahags- og peningamálastefnan hér hefur verið við takmarkaða meðvitund, núna er hún alveg lömuð og nánast heiladauð.

Það eru fjögur ár síðan seðlabankinn var síðast á verðbólgumarkmiði sínu þrátt fyrir brjálæðislegar vaxtahækkanir bankans. Sennilega framleiðir vaxtastig hans hreinlega verðbólgu þar sem sífellt hækkandi vextir á yfirdráttarlánum og öðrum skammtímalánum atvinnulífsins fara beint út í verðlagið og geta ekki farið annað.

Gengislækkun gæti gert vandann enn verri