Geir Haarde hefur áhyggjur af lygnum mönnum enda hefur hann sína innrætingu og hugmyndafræði úr umhverfi þar sem sannleiksást og heiðarleiki ráða algjörlega ríkjum

Frétt af mbl.is

Fundur boðaður með aðilum á fjármálamarkaði
Viðskipti | mbl.is | 13.2.2008 | 15:51
Ríkisstjórn Íslands hefur boðað aðila á fjármálamarkaði til fundar á morgun til að ræða um viðbrögð við versnandi stöðu á fjármálamörkuðum. Telur ríkisstjórnin eðlilegt að vera í viðbragðstöðu og undirbúa ráðstafanir í því skyni að draga úr neikvæðum afleiðingum hugsanlegrar lánsfjárkreppu á alþjóðamörkuðum.
Lesa meira

 

"""Að sögn Geir þá gætir enn neikvæðrar umfjöllunar hjá einstaka greiningaraðilum og fjölmiðlum um stöðu íslensks efnahagslífs. „Þar er iðulega farið með hreinar stað­reynda­villur og lýsingar á stöðu íslenska hagkerfisins eru mjög ýktar. Það er áhyggjuefni að þessir aðilar skuli ekki taka tillit til þeirra ítarlegu upplýsinga sem öllum eru aðgengilegar og lýsa sterkri stöðu bankanna og ríkissjóðs. Hér virðast önnur öfl ráða ferðinni en leitin að sannleikanum." """

 

-----------------------------------------------------------------------------

 

Það er von að Geir sé misboðið enda er hann mótaður í umhverfi þar sem sannleiksást og hreinskilni gilda rúmlega 100% og lygarnar eru gleymdar um leið og þær verða til og eru því eiginlega aldrei til frekar en hjá Stalín og George Orwell. Sjálfur er hann formaður flokks sem er systurflokkur repúblikanaflokksins í BNA og hefur sína hugmyndafræði þaðan frá aðilum sem ljúga aldrei og blekkja amk. á meðan þeir eru sofandi. Þarna þegar pyndingaflugsfárið kom upp og vinir Dabba og Geirs í Washington tjáðu sig um það sagði Geir að "engin ástæða væri til að efast um orð bandar. stjórnvalda". Þetta byggði hann á meðfæddri skarpskyggni og innsæi og á sama hátt og hann gat með góðri samvisku staðfest sannsögli og heiðarleika valinkunnra sómamanna í Washington sér hann núna léttilega í gegnum lygar einhverra vondra manna sem eru að rakka peningana okkar niður.

 

 

 

 

 

Fundur boðaður með aðilum á fjármálamarkaði

Athugasemdir

[Georg P Sveinbjörnsson, 13.2.2008 kl. 17:59]

"engin ástæða væri til að efast um orð bandar. stjórnvalda".....það er einmitt það hr. Geir Haarde

....held að kallinn ætti að leggjast aðein yfir sögubækurnar, en þær kenna okkur einmitt að það er ALLTAF ástæða til að efast um orð bandarískra stjórnvalda og sennilega aldrei meira en í dag.

[Baldur Fjölnisson, 13.2.2008 kl. 18:20]

Kannski hefur hann fallið í sömu gryfju og Halldór Ásgrímsson - að vera með enn vitlausari ráðgjafa en sig sjálfan.

[Jón Steinar Ragnarsson, 14.2.2008 kl. 00:21]

The panic is here.  FL 67.000.000.000 niður tveir framkvæmdastjórar foknir. (eins og það breyti einhverju) Nú fara sápukúlurnar að bresta. Plúbb, plúbb,plúbb...Þessi fundarboðun var algerlega til þess fallin að staðfesta niðurtúrinn. Þetta move mun ekki hjálpa til, það er nokkuð víst.

[Baldur Fjölnisson, 14.2.2008 kl. 09:42]

Þegar hagfræðingar byrja að tala um kreppu er algjörlega hægt að bóka að hún hefur staðið í amk. 6-12 mánuði. Þetta er satt að segja nánast eina hagfræðilögmálið sem eitthvað er byggjandi á.

Er ekki bara málið að skipa nefnd í málið?

Það er víða óróleiki og mér skilst að flokkseigendafélag íhaldsins sé við það að lenda á geðdeildinni og ekki heyrði ég betur en Villi Egils væri að hóta öllu illu lækki yfirforsætisráðherrann í seðlabankanum ekki vextina. 

[Baldur Fjölnisson, 14.2.2008 kl. 10:39]

Bresku blöðin, sem hafa verið að vara sparifjáreigendur við ísl. bönkunum, eru nátengd City of London - eldgömlu og gríðarlega valdamiklu fjármálaveldi. Það náttúrlega kostar lítið í sjálfu sér fyrir Geir að jagast í einhverjum dönskum ruslpósti en enska veldið er allt annað mál og stærra. Í stað þess að mjálma ámáttlega utan í það á hann bara að koma fram af krafti og lýsa því yfir að það sé ekkert annað en afar vafasamt happdrætti að að ætla að trúa yfirleitt nokkrum sköpuðum hlut sem frá þessum öxli andskotans - London/Washington - kemur.