Núna er krónan algjörlega ofurseld spákaupmönnum og við höfum því í raun tapað okkar efnahagslega sjálfstæði

Frétt af mbl.is

Geir: tveir kostir í boði
Viðskipti | mbl.is | 13.2.2008 | 15:41
Geir H. Haarde, forsætisráðherra, segir að flestir séu búnir að átta sig á því að einungis tveir kostir séu í stöðunni, að halda íslensku krónunni eða taka upp evru sem jafnframt þýðir inngöngu í Evrópusambandið. Það er einfaldlega ekki kostur að taka einhliða upp evru. Lesa meira


----------------------------------------------------------------

Þessir spekúlantar hafa spilað með krónuna eins og jójó upp og niður síðustu árin og upp á síðkastið hafa þeir verið að hugsa til heimferðar með sitt fé enda farið að hilla undir að seðlabankinn neyðist til að byrja að lækka vexti. Þetta er skammtímakapítal sem hefur verið að spila á gríðarlegan vaxtamun krónunnar og annarra mynta. Fjárhæðirnar eru gríðarlegar og núna nema skammtímaskuldir þjóðarbúsins eitthvað um 1500 milljörðum króna (nærri fjórum sinnum hærri fjárhæð en nemur árlegum tekjum ríkissjóðs og líklega 10 sinnum meira en nemur gjaldeyrisvarasjóði seðlabankans), með öðrum orðum ríkissjóður og seðlabanki eru dvergar sem engu máli skipta í þessu sambandi og fjárhagsleg geta þeirra í sambandi við gengishreyfingar krónunnar mælist varla. Þetta er staðan sem blasir við eftir innihaldslaust mjálm forsætisráðherra landsins og yfirforsætisráðherrans í seðlabankanum síðustu misserin. Ég býst við að markaðsaðilar hljóti að gefast upp á þessu mjálmi og byrji að taka upp evru hvað sem hver segir. Það þýðir ekkert að bíða með það eftir mönnum sem ekkert hafa að segja og munu koma af fjöllum þegar krónan hrynur endanlega. Það er mikilvægast að eyða áhrifum spekúlantanna á krónuna og jafnframt festa þá við okkur með sameiginlegum gjaldmiðli, með því að taka upp evru. Við verðum að vinna gegn því að þetta gríðarlega skammtímafjármagn hlaupi frá okkur ásamt meðfylgjandi gengishruni og óðaverðbólgu og eina leiðin til þess er að losna við krónuna (og helst áðurnefnda innihaldslausa mjálmara í leiðinni) og taka upp evru. 

 

 

Geir: tveir kostir í boði