Jákvæðar próvókasjónir - meira óskast af slíku

Ég forðast imbakassann eins og heitan eldinn en sá þó fyrir slysni eitthvað

þriðja part af margumræddri auglýsingu Símans í gærkvöldi en þessu hefur

nú verið lýst svo glögglega hér á blogginu að ég geri mér alveg grein fyrir

hvað er á seyði. Þetta er annars vegar snjallt auglýsingatrix, konsept sem

oft hefur virkað vel hér á landi, að nota umdeilda hluti þannig að fyrirsjáanleg

deila um auglýsinguna magnar áhrif hennar.

Hins vegar held ég að sé verið að hrista upp í steindauðu kerfi sem enga umræðu

þolir í raun, sem sagt þvinga fram umræðu um óskýranlegar trúarlegar verur sem

stjórna heimsmynd margra og heimspeki og viðhorfum og kosta böns af peningum

sem að sjálfsögðu væri betur varið í jarðnesk og afar áþreifanleg og brýn málefni.

Jesús er abstraksjón og meintur pabbi hans líka. Menn geta þvargað endalaust um

túlkun sína á óhlutbundnum fyrirbærum og hafa gert það forever og munu gera áfram

án þess að komast að neinni niðurstöðu. Á meðan hringlar í peningakassanum hjá

guði og staðgenglum hans á jörðu hér.  

Athugasemdir

[Baldur Fjölnisson, 7.9.2007 kl. 19:53]

Samtíminn er án hugsjóna og raunar eru skoðanir beinlínis barðar niður.

Þetta á að vera pólitískt korrekt sæluríki og hinum ýmsu hugsunarstoppurum

beitt til að hindra að menn fari út af hinni pólitískt korrekt línu. Þið kannist

við þessar venjulegu línur það er rasismi, kommúnistaáróður, bandaríkjahatur,

gyðingahatur, samsæriskenningar. Og svo framvegis. Þetta er stimplaumræða,

svæfandi heilaþvottur sem er skapaður af maskínu sem mótar okkar veruleika-

skynjun og hefur mjög lengi gert. Þessi maskína hannaði allar stjórnmálastefnur

fyrir þetta 100-150 árum og þess vegna sjáum við þennan pólitíska rétttrúnað

ganga aftur jafnt hjá vinstri sem hægri kommúnistum. Þetta snýst í rauninni allt

um samþjöppun valds í þágu peningalegra eigenda og kostenda stjórnmálamanna.

Fasismavæðing BNA og Evrópu ætti nú að vera flestum augljós nú orðið.

Þori einhver að ræða þessa þróun þá væri það vel þegið.