Þokkalegt gengi á Ólympíuskákmótinu

Íslendingar eru núna í 50sta sæti af 149 þáttakendum á Ólimpíumótinu eftir níu umferðir af ellefu. Þetta er nokkuð viðunandi árangur miðað við styrkleika sveitarinnar, en samt eru stórmeistararnir tveir að skila nokkru meira en búast mætti við af þeim en hinir eru töluvert undir máli.

Hannes Hlífar GM hefur teflt allar 9 skákirnar og er taplaus, 3 unnar og 6 jafntefli, hann er að tefla upp á sirka 2650 stig, mjög sólíd eins og venjulega.

Héðinn GM er með 8 skákir og líka mjög traustur og taplaus, 2 unnar og 6 jafntefli, hann teflir upp á sirka 2600 stig.

Hinir þrír hafa ekki verið að skora nógu vel og ná varla að tefla upp á 2350 stig tveir og einn nær ekki 2300.

Í kvennaflokki er landinn í 57. sæti sem er líka allt í lagi miðað við styrkleika. En aftur eru það fyrstu tvö sætin sem í raun halda þessu uppi og vantar þéttleika í liðið rétt eins og í karlaflokki.