Sterling - 2. hluti

Sterling - 1. hluti

Ríkisstjórnin mun reyna að framlengja líf sitt með því að sturta niður nokkrum óþægilegum skítakleprum

Björgvin og Björn eru í rauninni hættir, það er bara verið að prútta um hvað það eigi að kosta skattgreiðendur að viðurkenna að þeir séu í raun gjörónýtir og hálfvitablaðrið í þeim fyrir löngu óþolandi. Eins er það með Davíð, málið snýst orðið aðallega um það hvort eigi að verðlauna hann með 100 eða 300 milljónum fyrir að vera að almennu athlægi í fjármálaheiminum utan lands og innan með Halldór Blöndal og Hannes Hólmstein sér við hlið. Þeir ættu allir að drífa sig til Bali með fyrstu vél og passa að verða ekki handteknir því núna myndi enginn beila þá út. Amen og kúmen.

Ógjörlegt til lengdar að reka nokkurn ruslpóst í samkeppni við Ruslveitu ríkisins

RR hefur verið gjörsamlega fallít í amk. 15 ár undir stjórn sérstakra snata íhaldsins og skattgreiðendur verið þvingaðir til að halda því á floti. Það er að sjálfsögðu ómögulegt að keppa á venjulegum markaðsgrundvelli við aðila sem er endalaust forðað frá gjaldþroti með opinberum fjárveitingum. Hver á að forða öðrum ruslveitum frá gjaldþroti? Kannski þeir sem hafa áhuga á því einhverra hluta vegna og hafa fjármuni til þess. Ég skal ekki segja. En úr því að mogginn er orðinn baugsmiðill má búast við að dragi úr gjálfri um baugsmiðla, hahaha. Ætli Agnes fari ekki bráðum að þýða Andrés Önd.

Always a frown with Gordon Brown

Skuldabréf Landsbankans metin á 1,25% af nafnverði

Uppboði með skuldatryggingar á skuldabréfum Landsbankans er nú lokið. Niðurstaðan varð sú að seljendu trygginganna verða að borga 98,75% af nafnverði bréfanna til þeirra sem tryggðu bréfin. Voru bréfin því metin á 1,25% af nafnverði.

Þetta þýðir einfaldlega að þeir erlendu aðilar sem gera munu kröfur í þrotabú Landsbankans þegar það verður loksins tekið til skipta reikna með að fá 1,25% af kröfum sínum greiddar

Um er að ræða óvenjulágt mat á bréfunum og raunar segir á Reuters að hið lága mat hafi komið á óvart. Enda gengu bréfin kaupum og sölum á frá 2-3 aurum fyrir krónuna og allt upp í 6 aura í gærdag.

Uppboðið fór fram hjá Creditex og Markit en það var haldið á vegum International Swaps and Derivatives Association og var hið fyrsta sinnar tegundar í Evrópu.

Til samanburðar má geta þess að skuldatryggingar á skuldabréf Lehman Brothers fóru á rúmlega 8 cent fyrir dollarann og hjá Washington Mutual var hlutfallið 57 cent fyrir dollarann.

Þegar tekið hefur verið tillit til þeirra aðila sem bæði áttu og seldu skuldatryggingar á bréf Landsbankans og það dregið frá heildarupphæðinni sem tyggingarnar náðu yfir er talið að tapið seljenda þessara trygginga nemi 1,8 milljörðum dollara eða rúmum 200 milljörðum kr..

Beint í meginmál síðu.

Vísir, 04. nóv. 2008 15:25

 

 

Skuldatryggingauppboð að hefjast, Landsbanki fyrstur undir hamarinn

Vísir, 03. nóv. 2008 13:10

Uppboð á skuldatryggingum íslensku bankanna hefjast í þessari viku. Landsbankinn er fyrstur undir hamarinn á morgun. Reiknað er með að þeir sem seldu tryggingarnar og ábyrgðust þar með lán til bankanna þurfi að borga 97% af andvirði lánanna.

Uppboðið ákveður hve mikill hluti af tryggingunum verður greiddur en eins og áður hefur komið fram á visir.is ganga skuldabréf íslensku bankanna kaupum og sölum erlendis á 3 aura fyrir krónuna eða með 97% afföllum.

Uppboðin verður haldið á vegum International Swaps and Derivatives Association (ISDA) og verða þetta fyrstu uppboð sinnar tegundar í Evrópu. Glitnir fer undir hamarinn á miðvikudag og Kaupþing á fimmtudag.

Fjallað er um málið á Bloomberg-fréttaveitunni. Þar segir Tim Brunne lánasérfræðingur hjá UniCredit SpA í Munchen að miðað við markaðsverð íslensku bréfanna munu næstum ekkert fást upp í kröfur seljenda að tryggingunum.

Yfir 160 bankar og fjárfestar hafa skráð sig fyrir uppgjöri á skuldatryggingum íslensku bankanna. Ekki er nákvæmlega vitað um hve stóra heildaruppjæð er að ræða en ISDA áætlar að hún nemi 55 milljörðum dollara að um 6.000 milljörðum kr.. Vogunarsjóðir, tryggingarfélög og bankar eru þeir sem venjulega kaupa og selja skuldatryggingar. Og þá annaðhvort til að tryggja að skuldabréf verði ekki gjaldfelld eða veðja á að félög geti ekki borgað skuldir sínar.

Á Bloomberg er tekið dæmi af Primus Guaranty Ltd, tryggingarfélagi sem staðsett er á Bermúdaeyjum. Það seldi skuldatryggingar á lán til Kaupþings að uppbæð rúmlega 68 milljón dollara eða um 7 milljarða kr.. Það seldi einnig tryggingar á lán til Lehman Brothers, Freddie May og Fannie Mac samtals að uppbæð tæplega 300 milljónir dollara. Félagið segir að það eigi sjóð upp á 800 milljónir dollara til að mæta þessum ábyrgðum sem félagið situr uppi með.

http://visir.is/article/20081103/VIDSKIPTI06/624141915/-1

 

Fjármagnsflótti frá landinu upp á hundruði milljarða kr. framundan

Vísir, 03. nóv. 2008 12:31

Greining Glitnis gerir ráð fyrir því að erlendir fjárfestar muni grípa fyrsta tækifæri sem gefst til að losa sig við nokkur hundruð milljarða kr. í bréfum Seðlabankans. Þetta gerist um leið og krónan verður sett á flot aftur og skiptir þá engu hve háir stýrivextirnir verða.

Í Morgunkorni greiningarinnar segir að verulegur þrýstingur sé nú á gengi krónu, ekki síst af hálfu erlendra fjárfesta, hverra eignir í stuttum ríkisskuldabréfum og innstæðubréfum Seðlabankans nema nokkrum hundruðum milljarða króna.

"Þessir aðilar hafa ekki getað fært fjármagn sitt úr landi vegna þeirra hamla sem hafa verið á gjaldeyrisviðskiptum frá því innlenda bankakreppa náði hámarki, en líklegt er að töluverður hluti þeirra muni grípa fyrsta tækifæri sem gefst til þess að flýja land með fjármagn sitt, hvað sem innlendu vaxtastigi líður," segir í Morgunkorninu.

Hins vegar er nokkuð líklegt að viljayfirlýsing IMF og ríkisstjórnarinnar innihaldi einhvers konar aðgerðir til að bregðast við slíkum fjármagnsflótta svo skammtímaveiking krónu eftir fleytingu verði ekki óhófleg með þeim skaðræðisáhrifum sem fylgja myndu fyrir heimili og fyrirtæki í landinu.

http://visir.is/article/20081103/VIDSKIPTI06/890000817/-1

Bullið úr þessu fjármálaeftirliti hefur verið almenningi verra en gagnslaust fram að þessu og verður áreiðanlega áfram

Það er víst einstaka örviti á blogginu sem enn tekur mark á þessum raðlygurum og hártogurum og svo sem ekkert við því að segja. Flestir læra á endanum að vara sig á lygasjúku fólki. Ég túlka þetta útúrsnúningamjálm FME sem staðfestingu þess að hundruðum fallít bankamanna verði forðað frá gjaldþroti eins og tölvupósturinn lýsir.

--------------------------------

FME hefur ekki samþykkt niðurfellingu skulda bankastarfsmanna

Ekkert er hæft í því að Fjármálaeftirlitið hafi látið fella niður kröfur eða tryggingar em tengjast lánveitingum til starfsmanna bankanna líkt og haldið er fram í tölvupósti sem gengur nú á milli manna. Þar er því haldið fram að Fjármálaeftirlitið hafi haldið fram þeim rökum að ómögulegt sé að manna stöður yfirmanna í bönkunum nema það sé gert.

Fréttavefur Morgunblaðsins óskaði eftir upplýsingum um þetta mál hjá Fjármálaeftirlitinu og segir í svari FME: „Í ákvörðunum FME vegna ráðstöfunar eigna og skulda til nýrra banka er ekkert vikið að því að fara eigi sérstaklega með skuldbindingar starfsmanna bankanna. Þær lúta sömu lögmálum og önnur lán sem fluttust yfir til nýju bankanna.

Í ákvörðunum vegna Landsbanka Íslands hf., Glitnis banka hf. og Kaupþings banka hf. er gert ráð fyrir því að öll útlán í útibúum á Íslandi flytjist yfir til nýju bankanna sem verða þá kröfuhafar samkvæmt þeim lánasamningum og skuldabréfum sem um ræðir. Það verður þá nýju bankanna að innheimta þær kröfur sem og aðrar á grundvelli þeirra trygginga sem fyrir liggja. Það er því rangt að Fjármálaeftirlitið hafi sérstaklega samþykkt niðurfellingu krafna eða trygginga sem tengjast lánveitingum til starfsmanna bankanna.“

Í tölvupósti sem óskað er eftir að viðtakendur láti ganga er því haldið fram að yfirmaður í einum bankanna hafi tapað 2 milljörðum (mest tekið að láni). Segir að allar hans skuldir hafi verið hreinsaðar upp og eins skuldir mörg hundruð annarra bankastarfsmanna upp á gríðarlegar fjárhæðir.

Í tilkynningu frá Finni Sveinbjörnssyni, bankastjóra Kaupþings, kemur fram að samkvæmt ákvörðun Fjármálaeftirlitsins 21. október 2008 var öllum eignum Kaupþings banka hf., hverju nafni sem nefnast, svo sem fasteignum, lausafé, reiðufé, eignarhlutum í öðrum félögum og kröfuréttindum ráðstafað til Nýja Kaupþings banka hf., meðal annars skuldir vegna verðbréfakaupa viðskiptavina, þar með talið starfsmanna.

„Engin ákvörðun hefur verið tekin um uppgjör þessara skulda en unnið er að lausn þessara mála í samvinnu við viðskiptavini.

Að öðru leyti getur bankinn ekki tjáð sig um atriði sem lúta að einkamálefnum viðskiptavina hans."

Gjörspillt skækjudót í æðstu stöðum, taka 57

Þetta er að fara um í tölvupóstum ...

"""Yfirmaður áhættustýringar Kaupþings tapaði 2 milljörðum (mest tekið á láni)
og allar skuldir hreinsaðar við hann og mörg hundruð aðra bankastarfsmenn
sem tóku lán frá 10-1000 milljónir til að kaupa hlutabréf, sumir fengu sér
cruiser 100 jeppa, fjármögnuðu heimsreisur og lúxus heimili. Allar skuldir
hreinsaðar upp svo þeir geti hafið störf í nýju ríkisbönkunum okkar. Rökin
sem FME og ráðamenn færa fyrir þessu er að það sé ómögulegt að manna
yfirmannastöður í nýju bönkunum nema þetta sé gert, því lögum samkvæmt mega
gjaldþrota einstaklingar ekki starfa fyrir banka!!! Fyrir mér er þetta
stríðsyfirlýsing við okkur venjulegu borgarana í þessu landi sem erum flest
með lán í þessum bönkum. Ef skuldir og sukk þessara óreiðumanna eru sópaðar
útaf borðinu þá vil ég að það sama gangi yfir alla!!!!!! tugþúsundir töpuðu
stórum hluta af sparnaði sínum, tugþúsundir venjulegra hluthafa í bönkunum
töpuðu öllu sínu.... ég gæti haldið endalaust áfram... ég hef aldrei reiðst
eins mikið á ævi minni og þegar ég heyrði þetta.

þetta er hámark spilingarinnar og hvet ég ykkur til að hafa samband við sem
flesta og beina reiði ykkar að þingmönnum okkar. Þetta endar með ofbeldi
annars."""