Krónan heldur áfram að hrynja þrátt fyrir að vera ekki einu sinni á floti

Gengisvísitalan hefur hækkað um sirka 15% síðan um mánaðamót og einstakar myntir hafa hækkað um þetta 12-15%. Á árinu hefur gengisvísitalan hækkað um rúmlega 90%. Verðbólgan er þegar gífurleg eða amk. 30% og stefnir án efa fljótt í 50-60% ef ekki hærra. Kjaraskerðingin er því þegar geigvænleg en samt aðeins í raun sem barnaleikur einn á við það sem koma skal og er í pípunum.  Á meðan þessi alvarlega staða gerjast er handónýtt lið í ríkisstjórninni hoppandi um hlaðvarpann eins og hálshoggnar hænur. Það er ekkert bitastætt að hafa frá þessu liði, engin svör, engin greining á ástandinu, bara almennt ínnihaldslaust snakk út og suður og útúrsnúningar. Skiljanlega eru jafnvel erlendir eigendur þessarra aðila að gefast upp á hringlandahætti eigna sinna og ekki virðist ganga vel að snapa fé í algjörlega fallít þjóðarbú. Burt með þetta verra en handónýta spillingarlið !

Jæja, sagði Knoll við Tott, hvernig eigum við nú að selja þessa banka?

Sláðu á græna takkann, sagði Tott. Og Knoll gerði það og upp kom sjö, sjö og jarðarber. Só, sagði Knoll, hvað merkir þetta? Þetta þýðir að Kasper, Jesper og Jónatan fá bankana, sagði Tott. Já, en hvað ef það klikkar, sagði Knoll. Sko Knoll, sagði Tott, ég er með hagfræðipróf og veit að þetta getur alls ekki klikkað þar sem atvinnustarfsemi er alltaf betur borgið í höndum einkareksturs en hjá ríkinu, en ætla samt að gefa því akademískan séns upp á 0.01% til að róa þig. Þú segir bara að jarðarberið hafi komið upp fyrir einskæra óheppni og alls ekki geti verið við þig að sakast í því sambandi. Þú getur ekki borið ábyrgð á því að eitthvað lið hafi klikkað á því að hanna þennan spilakassa. Undir öllum eðlilegum kringumstæðum hefðir þú átt að fá upp þrjár sjöur og það hefði þýtt að bankarnir hefðu lent hjá Guðmundi góða og Jóa dýrlingi og þessum náunga þarna sem er á pari við heilagan anda. En annars skiptir þig þetta engu máli persónulega þar sem ef svo ólíklega vildi til að þetta klikkaði þá værir þú ekki að snúa skífum hér heldur einhvers annars staðar og alveg nýr maður sem ekkert væri við að sakast enda veistu vel að oss ber ávallt að horfa fram á veginn og alls ekki pæla í hinu liðna.

Ellilífeyrisþegar á Spáni að tapa húsum sínum á Landsbankanum

Hundruðir ellilífeyrisþega á Spáni, að mestu Bretar, standa frammi fyrir því að tapa húsum sínum vegna fjárfestingarsjóðs á vegum Landsbankans í Luxemborg.

Dæmið gekk út á að ellilífeyrisþegarnar tóku lán út á húsin sín, fengu fjórðung upphæðarinnar í vasann en afgangurinn var settur í fjárfestingasjóð Landsbankans. Fólki var talin trú um að ávöxtun sjóðsins myndi alfarið standa undir afborgunum og vöxtum af láninu.

Þetta fyrirkomulag í fjárfestingum hefur verið bannað í Bretlandi frá árinu 1990 enda þykir það ótraust og stórhætta á að illa fari fyrir þeim sem liggja með fé sitt í sjóðum af þessu tagi. Fjöldinn sem þegar vitað að hafi fallið fyrir gylliboðum Landsbankans er um 600 manns.

Breska blaðið Daily Mail greinir frá málinu í dag. Þar er rætt við nokkra ellilífeyrisþega sem sjá fram að þeir eru að missa hús sín enda er Landsbankinn í Luxemborg gjaldþrota og undir skiptastjórn Deloitte.

Einn þeirra sem rætt er við, John Hermus er 72 ára, giftur og á fimm uppkomi börn. Hann á hús á Costa Blanca ströndinni. Árið 2006 þurfti hann á láni að halda. Fjármálasérfræðingur ráðlagði honum að taka 348.000 pund að láni og veðsetja húsið upp í topp fyrir láninu.

Meirihluti lánsins var síðan settur í fjárfestingasjóð Landsbankans. Hermus segir að á fyrstu mánuðunum hafi hann fengið borgað úr sjóðnum en síðan fór þær greiðslur minnkandi og hurfu svo alveg á þessu ári.

Í vor fékk Hermus svo fjármálaráðgjafann í heimsókn ásamt fulltrúa frá Landsbankanum. Honum var tjáð að hann þyrfti að borga 23.700 pund af láninu. Það gat hann ekki og fékk því frest. Og þegar Landsbankinn varð gjaldþrota var skuld hans komin í 39.400 pund.

Nú óttast Hermus að húsið verði tekið af honum þar sem hann getur ekki staðið í skilum með afborganir af láninu.

Vísir, 07. nóv. 2008 15:30

http://visir.is/article/20081107/VIDSKIPTI07/113852456/-1

Ryðja ber nú þegar hóruhúsin við Arnarhól og manna þau með alvöruhórum sem skapa gjaldeyristekjur

Tónlistarbrandaranum á hafnarbakkanum ber að koma upp og nýta sem kombínerað spilavíti/hóruhús. Með nokkrum breytingum mætti nýta húsnæði seðlabankans sem spilavíti og tengja það með loftbrú við starfsemina á bakkanum. Arnarhvál mætti nýta sem low-end hluta vændishverfisins, fyrir einfalda sjortara á bónuskjörum. Með þokkalegum varalit og hárkollu væri sjálfsagt hægt að selja svín þannig hvað þá einhverja feitlagna uppgjafarpólitíkusa. Í stjórnarráðinu hugsa ég mér tólf lúxusklefa sem kostar 20 milljónir bara að fá að opna og síðan er teygjanlegt hversu mörg hundruð milljónir menn vilja síðan skilja þar eftir. Markmiðið með þessu öllu er að afla gjaldeyristekna og mjög mikils af þeim frá forríkum rugludöllum. Núverandi hórustand á svæðinu er algjörlega út í hött og tómt tjón og hórurnar þurfa að borga með sér því enginn lítur við þeim og allt er skiljanlega komið á hausinn. Amen og kúmen að sinni.

Brzezinski togar í spottana á nýjustu strengjabrúðu eigenda bandar. einflokksins

Og skiljanlega ekki líst bandar. markaðnum ekki á þá sækópatablöndu úr
helvíti og hefur Dow Jones hrunið um nærri 1000 stig á tveimur dögum
enda stórstríð við Rússa og sennilega Kínverja líka nánast
borðleggjandi. Geislavirkni er mjög óholl og kjarnorkustríð engum í hag
nema kannski þeim sem eru kolbilaðir og hælistækir og eiga athvarf í
mjög djúpum bönkerum fyrir sig og sína og skítt með lýðinn sem hvort eð
er er alltof fjölmennur til að passa við skuldafjallgarðana sem þessi
glæpalýður hefur búið til og er 90% án innistæðu og það kallar á mjög
svo drastískar lausnir.

Fimmtudagur, 06.11.08

Eins og ég hef áður tekið fram var bilun í inngræddum tölvukubbi í höfði mínu farin að valda ákveðnum vandræðum en úr því var glæsilega bætt í nýlegri heimsókn minni til Washington. Allur aðbúnaður var til hreinnar fyrirmyndar í Pentagon þegar ég mætti þangað og þurfti ekki einu sinni að svæfa mig á meðan þeir skiptu um kubb og það sem er best af öllu ég er kominn með glænýtt stýrikerfi sem gerir kleift að bregðast sjálfvirkt við bilunum alla leið frá Pentagon. Ég er sem sagt orðinn sítengdur um svokallað yfirinternet Pentagons og sendi reglulega upplýsingar í stjórnstöð um mínar eigin bilanir. Hversu dásamlega fullkomið gæti þjóðfélag okkar orðið ef allir væru með slíkan tæknibúnað í höfði sínu? Allir myndu hamingjusamir vinna sem heild að framgangi þjóðfélagsins og búnaðurinn myndi samstundis senda upplýsingar í stjórnstöð ef vart yrði við óeðlilegar hugsanir hjá viðkomandi. Þannig væri unnt að taka vandræðagemlinga úr umferð innan klukkutíma í mesta í stað lagaflækja og kjaftæðis um persónuréttindi sem hafa riðið húsum hingað til. Hagsmunir heildarinnar verða ávallt að ganga fyrir hagsmunum einstaklinganna sem mynda heildina. Það getur þurft að fórna einstaklingum sem ekki vilja fórna sinni einstaklingshyggju - í þágu hagsmuna heildarinnar. Bíddu, er ég ekki farinn að hljóma eins og Hitler og Stalín ... djísös fokking kræst á ég að trúa því að þessi kubbur sé bilaður líka ...

Sko, ef þú ert með stæla þá þigg ég ekki þitt blóð meir, sagði mýflugan við fílinn

þegar hann ógnaði henni með halanum þar sem hún var að næra sig á
honum. Bigg díl, sagði fíllinn þú verður dauð á morgun eða hinn en ég
verð trúlega enn hérna eftir fjörutíu ár og þínir líkar verða enn sömu
ómerkilegu mýflugurnar og öllum til ama eins og önnur sníkjudýr sem
lifa á að mergsjúga aðra.

Biden and Powell Warn of a Generated Crisis (A New Terror Hollywoodshow a la 9/11?)

Örþrifaráð IMF: Vilja freista þess að dæla sannleikslyfjum í ráðamenn hér í von um að koma þeim í samband við veruleikann

Heimildir mínar tjá mér að um þetta standi slagurinn einmitt núna.
Reyndar er smá hængur á þessu þar sem viðkomandi lyf virkar víst í
nokkra daga og yrði því að taka megnið af ríkisstjórninni og helstu
spekinga þeirra úr umferð á meðan - sem væri svo sem bara til bóta, en
liti kannski ekki nógu vel út svona út á við. En á meðan lyfið hefur
virkni væri óðs manns æði að láta þessa menn vera blaðrandi út um allt
þar sem sannleikurinn frá þeim myndi vafalaust leiða fljótt til
almennrar uppreisnar á skerinu. Þessi vandi er sem sagt að tefja
lánveitingu IMF og er búist við að útfærsla þessa örþrifaúrræðis verði
stíft rædd á fundum um helgina. Munið að þið heyrðuð þetta fyrst hér.
Amen og kúmen.

Stórfelldar stýrivaxtalækkanir seðlabanka í komandi þrotabúum Evrópu. Bretland fer hugsanlega fyrst stærstu hagkerfanna á hausinn

Þetta er orðin algjör örvænting og seðlabanki Bretlands lækkaði stýrivextina um eitt og hálft prósentustig úr 4.5 í 3% og seðlabanki Evrópu fór úr 3.75 í 3.25%. Seðlabanka BNA vantar síðan aðeins eitt prósentustig í að komast í núll komma núll. Sennilega endar öll þessi fallít vitleysa með neikvæða vexti það er menn fái hreinlega borgað fyrir að stofna til skulda (peningaprentunar).