Ég frétti að vísu bara af innihaldi ruslveitu ríkisins hérna á blogginu...

Enda hef ég lengi reynt af fremsta megni að forðast heilaskemmandi áhrif ruslveitna, bæði prent- og loftafbrigða þeirra. Og svo skal tekið fram að ef ég þyrfti að láta krukka í hausinn á mér þá myndi ég ég síst allra velja síonistaspítalann Mount Sinai. Hver veit, eftir trakteringarnar þar gæti ég jafnvel farið að hæpa eitthvað nautheimskt dót og gera mig að öðru leyti að fífli með því að kóa með hálfvitum. En náttúrlega laðast það ávallt saman sem deilir sameiginlegri hugmyndafræði, viðhorfum og eftir atvikum geðveilu á mismunandi alvarlegu stigi. Það segir sig sjálft. Merkin sýna verkin. Góðar stundir.

Con-masturbatus Interruptus hjá stjórnmálaskækjum á ruslveitu stöðvar tvö

Geir komst ekki einu sinni í samrúnkið, hahahaha. Vel gert, en kannski full harkalega útfært. En það getur verið erfitt að stjórna atburðarásinni þegar mönnum er heitt í hamsi. Það er auðvelt að setja af stað stríð gegn almenningi, eins og stjórn landsins hefur gert, en erfiðara að ráða við hvernig það þróast. Þegar atvinnuleysið verður komið í 12-15% eftir nokkrar vikur má sjálfsagt búast við hverju sem er. Ég tel því víst að erlendar eignir hér muni fá öryggissveitir frá eigendunum til að verja sig og líka til að gulltryggja að allt fari hér í bál og brand. Gleðilegt ár.

Alcoa fer trúlega fyrst á hausinn af stóru málmbræðslunum.

Landsvirkjun er þegar algjörlega fallít og Orkuveitan líka. Þessir rekstrarlegu skrípaleikir skulda samtals yfir 500 milljarða og þar sem álbræðslurnar eru líka á leið á hausinn þarf ekki að búast við frekari framkvæmdum í virkjunum hér næstu árin. Þessi staða mun jafnframt tryggja áframhaldandi hrun krónunnar eins og gefur að skilja.

Staða Alcoa er sérstaklega erfið vegna þess að um 60% af álvinnslu félagsins er í BNA og það hefur því farið mjög illa út úr hækkun dollars á þessu ári auk þess sem eftirspurn eftir áli er í frjálsu falli. Skuldsetningin er hroðaleg hjá þessu félagi eins og raunar flestum stórfyrirtækjum heimsins og geri ég fastlega ráð fyrir að það rúlli opinberlega á hausinn á næsta ári. 

Gjaldþrota ríkissjóður ætlar að útvega fallít bönkum 400 milljarða og líka redda völdum gjaldþrotum einkavina sinna

Það væri fróðlegt að vita hvernig þessir strumpar ætla að framkvæma það, hahahaha. En það fylgir að sjálfsögðu ekki sögunni. Það er verra en þýðingarlaust að hækka skatta í hrynjandi hagkerfi og gjaldþrota ríkissjóður fær varla teljandi lánafyrirgreiðslu nema þá á sérstökum afarkostum auk þess sem stofnanir í gjaldþrota hagkerfum vesturlanda eru ekki aflögufærar í mikið meira en að fresta opinberu gjaldþroti eigin hagkerfa. Það verður því að krefja förgunarúrræðin umhverfis Arnarhól og vitlausraspítalann við Austurvöll um svör. Innihaldslaust gjamm út í loftið dugar ekki. Almenningur kaus þetta dót sem peningar og ruslveitur auglýstu og hann á kröfu á að dótið vinni eftir hagsmunum almennings en ekki einhverra sérvalinna kostenda dótsins. Það er nú ekki til of mikils mælst.

Töluverð verðhjöðnun á heimsvísu líkleg út næsta ár amk.

Helsta ástæðan er hroðaleg offramleiðslugeta á heimsvísu og verður hún beinlínis katastrófísk núna þegar dregur verulega úr eftirspurn i meira og minna gjaldþrota hagkerfum vesturlanda en asíska framleiðsluvélin heldur áfram á fullu. Kínverjum er í raun nauðugur einn kostur að halda sinni framleiðslu áfram á fullu, enda væri voðinn ís ef tugmilljónir misstu vinnuna þar núna. Það myndi leiða til alvarlegs óróa innanlands og áreiðanlega átaka sem erfitt væri að sjá fyrir endann á. Sama vandamál blasir við valdaelítum annarra Asíulands, þær halda vart völdum lengi dragist framleiðsla fyrir vesturlandamarkað saman. Þannig að þessi hagkerfi munu framleiða á lager meðan hægt er og þar sem tæknivörur verða fljótt úreltar mun þeim sjálfsagt verða dömpað í stórum stíl með vorinu eða í sumar og verðið þar með gjörsamlega hrynja.

Þegar fjármálabólur springa og hjaðna fylgir því skiljanlega almennt verðhjöðnun enda búið að lána öllum plús hundinum fyrir öllum mögulegum og ómögulegum hlutum án tillits til þess hvort þeir hafa möguleika á að borga lánin. Yfirmettaðir markaðir þýða fallandi verð, það er engin leið framhjá því. Látið því ekki fjármálamaskínuna, verslunarmenn og pólitískar eignir þess svíkja inn á ykkur neinum verðbólguhugsunarhætti núna. Kaupið helst ekki nema með afslætti enda verður næsta ár ein allsherjar brunaútsala hjá gjaldþrota verslunum. Verðhjöðnun er nefnilega það allra síðasta sem skuldum drifin hagkerfi þurfa á að halda. Skuldabyrðirnar krefjast hás atvinnustigs og sífellt hækkandi launa og verðhjöðnunin drepur niður verðhækkanamöguleika fyrirtækja og þar með möguleika þeirra til að hækka laun og bæta við sig fólki. Síðan er svo til öll framleiðsla og iðnaður dautt fyrir löngu og landslýðurinn starfar að mestu við að þjóna undir rassgatið á næsta manni auk tröllvaxins ríkisbatterís og tilheyrandi skattpíningar. Slíkt kerfi hrynur geysilega fyrirsjáanlega eins og spilaborg þegar þegur kemur bakslag í seglin og tjónið verður því meira sem klikkaðra dót í æðstu stöðum hefur lengur afneitað þessum augljósu staðreyndum. Nú stendur þetta dót með allt niður um sig í fallít búi og situr enn við völd eins og ekkert hafi í skorist enda eiga þessi mannlegu gjöreyðingarvopn eftir að ljúka sínu ætlunarverki; gjöreyða þessu hagkerfi. Góðar stundir. 

IMF gefur í skyn að stutt sé í að eignir sjóðsins hér aflétti gjaldeyrishöftum og lækki stýrivexti

Evran hækkaði strax um 5% í gær við þessi tíðindi enda bíða erlendir fjármagnseigendur með öndina í hálsinum í startholunum eftir að geta forðað fjármunum sínum úr glæpasísteminu hér. IMF virðist hafa áttað sig á því að eignir þess í förgunarhælum og öðrum vistunarúrræðum í kringum Arnarhól hafa í raun engan stuðning innanlands og trúverðugleiki þeirra er núll komma núll og því þýðingarlaust að vera með einhverjar leiksýningar í kringum krónuna. Illskárst sé úr því sem komið er að opna útgönguleið fyrir erlent fjármagn, leyfa evrunni að fara í 3-400 krónur, sturta síðan niður úr förgunarúrræðunum með vorinu í þeirri von að nýjir stjórnendur landsins á vonandi meinlausari geðlyfjum en hinir fyrri, nái að laða nýtt fjármagn að landinu á algjörum afsláttarkjörum. Ég tel því nánast öruggt að IMF reki eignir sínar hér innan nokkurra mánaða, hugsanlega vikna.

Andlát efnahagskerfis heimsins: Baltic Dry Index hefur hrunið 95% síðasta hálfa árið

Þessi vísitala mælir kostnað við flutning hráefna svo sem kola, járns ofl. sem notuð eru við hvers konar framleiðslu. Eftirspurn eftir þessum efnum hefur því hrunið gjörsamlega ásamt flutningskostnaðinum og þar sem þetta hefur verið að gerast síðustu mánuði er iðnframleiðslan sjálf augljóslega að hrynja og blasir í raun við að hún muni að mestu gufa upp á næstunni. Hrun eftirspurnar eftir hráefnum sem notuð eru við framleiðslu leiðir hrun framleiðslunnar sjálfrar eins og gefur að skilja.

Hagtalnahönnun ríkisins viðurkennir að atvinnuleysið sé nú 5.5%

Sem án efa þýðir að það sé í raun amk. 8-10% og stefni enn hærra. Þannig að það má fastlega búast við að núna séu 15-20 þúsund manns búnir að missa vinnuna eða verði án vinnu upp úr áramótunum. Þetta er tímsprengja sem gögn í vistunarúrræðum umhverfis Arnarhól og í vitlausraspítalanum við Austurvöll forðast að ræða. En hér er um að ræða hrunið þjónustuhagkerfi á grundvelli skuldabóla og mestöll framleiðsla er fyrir löngu komin til Asíu. Hvernig hugsar núverandi valdamafía sér að vinnumarkaðurinn eigi að vera? Hún er með algjörlega gjaldþrota ríkissjóð og tröllvaxnar atvinnuleysisgeymslur nú þegar. Hvað ætla þessar ken og barbie dúkkur sem ruslpóstur og peningar hafa logið til valda hér að gera í þessum alvarlegu málum?

Jólaverslunin einkennist af útsölum og niðursettu verði

Sem sjálfsagt þýðir að stór hluti verslunar í landinu rúllar formlega á hausinn með nýju ári. Þannig hlaut á endanum að fara fyrir efnahagskerfi sem byggist fyrst og fremst á neyslu og skuldapappíraframleiðslu en lítt á raunverulegri framleiðslu og iðnaði. Þjóðargjaldþrotið sem hér liggur fyrir stafar því fyrst og fremst af gjaldþrota hugmyndafræði. Þetta liggur algjörlega fyrir. Hefðbundið og langvarandi erlent eignarhald á helstu spekingum sem hafa flutt inn þessa gjaldþrota hugmyndafræði blasir einnig við. Þetta hefur allt komið að utan og sama geðbilaða kerfið með sömu gjaldþrota hugmyndafræðina er mjög vel á veg komið við að setja stærstu hagkerfi heimsins á hausinn. Lausnin sem þetta klikkaða dót býður nú upp á, eftir að hafa hreinsað innan úr hagkerfum hér og þar, er enn meiri miðstýring og einokun. Það skiptir í sjálfu sér litlu máli hvað endanlega niðurstöðu varðar hvort ríkið tekur yfir fyrirtækin eða fyrirtækin ríkið. Markmiðið hefur ávallt verið að treysta vald fárra yfir mörgum og þjappa auði og valdi saman hjá tiltölulega fámennri valdaelítu. Ekkert sem leppadótið hér heima tekur upp á hefur upptök í þess höfðum, fyrirmælin koma sem fyrr öll að utan. Góðar stundir.

Vandræði í valdamafíunni

Stóru vandræðin eru fyrirsjáanlegt hrun fasteignamarkaðarins en mafíósar í æðstu stöðum eru hrikalega útsettir í fáránlegum spekúlasjónum þar og í raun vita fallít. Ríkisstjórnin lafir enn við völd eingöngu vegna þess að vissir angar ríkjandi mafíukerfis hafa óþægilegar upplýsingar um aðra anga þess og þetta gjörspillta skítakerfi skröltir því áfram á brauðfótum einungis vegna hagsmuna einstakra aðila mafíunnar. Hahahaha. Hversu dauðadæmt er það til lengdar? Allt lekur út í dvergþjóðfélagi þar sem allir þekkja alla, ekki síst í krísuástandi sem nú. Mafían hefur þegar eytt hundruðum milljóna í erlenda lygasérfræðinga til að halda fólki sofandi en það dugar bara ekki til. Stíflan er að bresta. Góðar stundir.