Þegar álþingi kom saman eftir langt og gott jólafrí tók það þegar til við að ræða mikilvæg mál

1. Óundirbúinn fyrirspurnatími.

2. Vátryggingastarfsemi

3. Greiðslur til líffæragjafa.

4. Sala áfengis og tóbaks.

5. Olíugjald og kílómetragjald.

6. Andstaða við eldflaugavarnakerfi í Austur-Evrópu

7. Tóbaksvarnir.

8. Stjórnskipunarlög.

9. Prófessorsembætti á sviði byggðasafna og byggðafræða.

10. Skipafriðunarsjóður.

11. Umferðarlög (forgangsakreinar).

12. Fjármálafyrirtæki (kynjahlutföll í stjórnum).

Heimild: Dagskrá þingsins 20/1 2009.

Offramleiðsla á kúkum sem fljóta afskaplega vel

Er eiginlega það sem öðru fremur blasir við þegar litið er yfir það sem ruslveitur og peningar hafa skaffað okkur í stjórn landsins. En só wott, það sem ruslið sannfærir okkur um að virki getur aðeins virkað svo lengi. Allar exponential j-kúrfur hrynja á endanum. Þegar allt er komið á kaupendahliðina á markaði þá er framboð kaupenda skiljanlega gjörsamlega upp urið og seljendurnir augljóslega taka við. Jafnvel þeir sem hafa hagfræðikunnáttúna úr bandar. kornflekspakka eins og Geir Haarde og vitleysingar í kringum hann munu hugsanlega skilja þetta á næstu misserum í Paraguay eða í hvaða fasistaruslahaug öðrum sem tekur við þeim. Kúkur verður alltaf kúkur. Hann verður í rauninni ekkert lystugri þótt ruslpóstur og peningar sykurhúði hann. Innihaldið eða öllu heldur innihaldsleysið er hið sama eftir sem áður. Hvers vegna sitjum við uppi með þetta ónýta drasl? Hver seldi okkur eiginlega það? Hvernig komust þessir ofurfljótanlegu kúkar til valda? Amen og kúmen.

Algjörlega eins og múkkar í mannaskít þegar almannafé er annars vegar

Ég á heima í námunda við Ísaksskóla og sé því reglulega ráðherrabíla ómerkilegasta botnskraps íhaldsins flytja börn þess í skólann. Bílstjórinn ber meira að segja töskuna inn í skólann fyrir barnið. Þetta er satt að segja eymdarlega vandræðalegt. Gilda einhverjar verklagsreglur um þennan siðlausa ruslahaug yfirhöfuð? Sem skattgreiðandi ætti ég að hafa ákveðin réttindi. Þarf ég að borga hvað sem er ofan í eitthvað hyski sem auglýsingaruslpóstur hefur selt landslýðnum? Hvað með mannréttindin?

Innlend förgunarúrræði fyrir pólitískan úrgang eru ofurfullnýtt fyrir löngu - með skelfilegum afleiðingum fyrir almenning

Eins og hver maður með merkjanlegan púls ætti orðið að sjá. Við verðum því að flytja dótið út. Nærtækt ætti að vera að leita til bandar. eigenda helstu spekinga íhaldsins um að taka við botnskrapinu því, kannski nokkur hundruð verstu keisunum enda líður þeim áreiðanlega best hjá sálufélögum sínum, hugmyndafræðingum og samsiðvillingum. Það laðast ávallt saman sem deilir hugmyndafræði, viðhorfum og siðferði og á auðvitað að vera saman og helst í einangrun ef hægt er í þágu öryggishagsmuna hins breiða almennings. Litla íhaldið í samstarfsflokkum íhaldsins, þessar venjulegu bólur á rassgatinu á því, þarf líka að fara rétt eins og sníkill fylgir hýsli. Þessu liði öllu verður varla vært hér á landi eftir það sem á undan er gengið og öllum fyrir bestu að gera sér grein fyrir því.

Afvelta rolla úti í skurði drepst í síðasta lagi á morgum.

Afráðið er að Geir Haarde verði ruslafata í Pentagon og Björn Bjarna fari í símsvörunina á sama stað. Davíð Oddsson verður blómaáburður en óvíst er um örlög 700 annarra íhaldsmanna sem verða að flýja land. Stay tuned.

Leppskækjur í æðstu stöðum siga lögreglunni á almenning en forðast að hrófla við eigendum og kostendum sínum

Segja skjaldborg Geirs ekki vera um fjölskyldur heldur glæpamenn

Öll spjót standa nú á Geir H. Haarde forsætisráðherra á bloggsíðum landsmanna en ákvörðun Ólafs Helga Kjartanssonar sýslumanns, um að gefa út handtökuskipun á fjölda manns sem ekki hefur sinnt fjárnámsboðun, er líkt við skipulagða aftöku.

Sú ákvörðun sýslumannsins í Árnessýslu að gefa út handtökuskipun á 370 manns, fyrir að hafa ekki mætt hjá embættinu vegna fjárnáms, hefur vakið hörð viðbrögð í bloggheimum. Lesa má athugasemdir eins og að stjórnvöld skipuleggi nú aftökur almúgans á meðan spillingaröflin sleppa.

Rifjað er upp að Geir Haarde sagði að slá þyrfti skjaldborg um fjölskyldurnar, en í reynd slái hann skjaldborg um glæpamennina, sem settu þjóðina á hausinn, svo dæmi séu tekin úr bloggheimum. Samkvæmt handtökuskipun sýslumanns, verður fólkið handtekið á heimilum þess eða vinnustöðum og fært fyrir sýslumann eða fulltrúa hans.

visir.is 20.1.2008

Hvaða förgunarúrræði finna þeir fyrir Geir ?

Hann verður án efa rekinn á landsfundinum nema fundurinn verði alfarið skipaður heilaþvegnum fáráðlingum og auðsveipum rollum ... en jafnvel það er ólíklegt til að virka lengur. Enginn heilvita maður tekur lengur mark á ruslveitum moggans og ríkisins eða yfirleitt öllum þessum ruslpósti sem eitt sinn var kallaður því hátíðlega nafni fjölmiðlar. Og þú þarft að vera algjörlega heiladauður til að taka mark á stjórnendum landsins. Hvað þá hinum ýmsu álitsgjöfum sem hafa bakkað upp þessa raðlygnu veruleikahönnunarmaskínu sem loksins laug sig í sjálfheldu úti í horni og gat því ekki lengur tafið hrun fyrirfram dauðadæmds fjármálaskíms eigenda sinna og kostenda.
Núna gildir fyrir eigendurna og leppa þeirra að vera utan fangelsismúranna og því verður núverandi leppum í sívaxandi mæli skipt út fyrir einhverja gæja sem koma þokkalega vel fyrir og hafa sæmilegt kjaftavit og gætu leikandi selt barnarasstalkúm í sjónvarpsauglýsingum. Hugsanir?

Stýrivaxtastigið snýst mest um að fiffa stöðu ríkissjóðs í blekkingaskyni

Það er vegna þess að skuldabréf eru seld á gengi og gengi þeirra og ávöxtunarkrafa hreyfast í gagnstæðar áttir. Þegar vextir hækka lækkar gengi skuldabréfa og öfugt. Hátt vaxtastig núna þjónar því þeim tilgangi helstum um þessar mundir að færa niður skuldastöðu ríkissjóðs og er enn eitt blekkingatækið sem gjörspillt og raðlygin valdamafían hér beitir. Stýrivaxtalækkun td. úr 18% í 8% myndi sjálfsagt leiða til þess að skuldir ríkissjóðs (og í sjálfu sér sveitarfélaga og fyrirtækja) hækkuðu snarlega um tugi prósenta og hann yrði því ómótmælanlega og óhrekjanlega fallít. Reyndar er hann nú þegar vita gjaldþrota ásamt seðlabankanum og öðrum nafntoguðum geðdeildum og förgunarúrræðum kerfisins.

Þeir eiga eftir að stela hér öllu sem hægt er á annað borð að stela, lífeyrissjóðunum, bankainnistæðunum, öllu heila helv. klabbinu og ljúga ykkur áfram full á meðan þeir eru að því. 

Lánshæfieinkunn ríkissjóðs stefnir hraðbyri í "junk"

Sem yrði þá alveg í stíl við innihald förgunarsetra ónýtra pólitíkusa þríátta um Arnarhólinn. Leppur, skreppur og leiðindaskjóða hafa keyrt hér allt skipulega í þrot og núna hirðir rétta Engeyjarmafían allt draslið. Það fer einn fasistinn á haugana og sprettur upp strax annar enn verri í staðinn. Þetta varðar ekkert um þjóðarhag, aðeins eigin hag og hefur alltaf einhverjar skækjur og nytsama sakleysingja og samsiðleysingja sína til að beita fyrir sig.

---------------------------------------------------

Vísir, 12. jan. 2009 12:03

Frekari lækkun lánshæfiseinkunna ríkissjóðs yrði álitshnekkir

Ef lánshæfiseinkunnirnar ríkissjóðs lækka frekar fara þær niður fyrir þau mörk sem almennt eru talin skilja á milli hágæða skuldabréfa og annarra skuldabréfa, og væri það töluverður álitshnekkir.

 

Þetta kemur fram í Morgunkorni greiningar Glitnis. Þar segir að lánshæfiseinkunn íslenska ríkisins í erlendri mynt var fyrir bankahrunið A+ hjá S&P og Fitch og Aaa hjá Moody's og eru þetta afar góðar einkunnir. Lánshæfið var því talið gott.

 

Núna er einkunnin komin í BBB- hjá S&P og Fitch og Baa- hjá Moody´s og í raun er það lág einkunn í samanburði við önnur iðnríki. Allar þessar einkunnir eru á neikvæðum horfum sem merkir að vel má vera að lánshæfismatsfyrirtækin muni gefa ríkinu enn lakari einkunn á næstu mánuðum.

 

Nettó skuldir hins opinbera voru við upphaf árs um 29% af landsframleiðslu en nú er það mat þessara lánshæfismatsfyrirtækja að skuldahlutfall þetta fari yfir 100% af landsframleiðslu í ár en íslenska ríkið verður þar með meðal skuldugustu í heiminum. Meðal aðildarríkja OECD er ítalska ríkið á svipuðum slóðum og hið íslenska en einungis eitt skuldsettara. Er það Japan en það ríki hefur glímt við umtalsverðan efnahagsvanda í mörg ár.

 

Meginástæður aukinna skulda ríkisins eru þrjár. Í fyrsta lagi er það fjármögnun á eiginfjárframlagi ríkisins til hinna nýju banka sem talið er verða um 385 milljarðar kr.

 

Í öðru lagi er það kostnaður þess vegna innlánaskuldbindinga utan landssteinanna. Ábyrgðir ríkisins vegna þess gætu orðið um 700 miljarðar kr. en þar eru umtalsverðar eignir á móti hjá gömlu bönkunum. Talsverð óvissa er um niðurstöðu þessa fyrir nettó skuldastöðu ríkisins.

 

Í þriðja lagi er það svo endurfjármögnun Seðlabankans en hann tapaði talsverðu fé vegna veðlána til gömlu bankanna. Reiknað er með að þetta séu um 150 milljarðar kr.

 

Þeir áhættuþættir sem lánshæfismatsfyrirtækin nefna að geti lækkað einunnir ríkisins enn frekar er að ef hagkerfið siglir niður í dýpri og meira langvarandi samdrátt en spáð er t.d. ef markmið stjórnvalda í samvinnu við Alþjóðagjaldeyrissjóðinn um að skapa stöðugleika á gjaldeyrismarkaði gengur ekki eftir. Þetta myndi þá leiða til meiri halla á ríkissjóði næstu árin og enn hærri skulda.

 

 

Nauðsynlegar aðgerðir

Velta í hagkerfinu er að hrynja, enda skuldakeðjubréfin hætt að berast, og þar með hrynur vinnumarkaðurinn eins og spilaborg. Skuldapappíraframleiðsla hefur til skamms tíma verið mikilvægasta starfsemi hér á landi og sá markaður varð fyrirsjáanlega á endanum margyfirmettaður með afar fyrirsjáanlegum afleiðingum. Lánastarfsemi felst í rauninni bara um að framselja ákveðinn kaupmátt, þegar allt kemur til alls. Þú öðlast ákveðinn kaupmátt þegar þú færð lán (og kaupmáttur lánveitandans skerðist að sama skapi) og síðan tapar þú honum aftur eftir því sem lánið er greitt. Skuldapappíraframleiðsla bankanna byggðist að miklu leyti á því að þeir fengu að láni skammtímakaupmátt á góðum kjörum hjá erlendum skammtímakaupmáttarheildsölum og endurlánuðu það í smásölu sem langtímakaupmátt. Þetta er svo sem ágætis skím á meðan það gengur og hægt er að ljúga það áfram með helstu veruleikahönnuðum almennings, siðlausum raðlygurum í pólitík og á ruslveitum og öðrum bílasölum hér og þar.

Skuldapappíraframleiðslan skapaði hrikalegar fjármála- og eignabólur sem ýmist hafa gufað upp eða munu gera það á næstunni. Og hún bjó til ævintýralegt þjónustuhagkerfi þar sem stór hluti vinnuaflsins þjónar undir rassgatið á sjálfu sér og hvor öðru á ótrúlega fjölhæfan hátt. Þegar keðjubréfin stoppa og harðnar á dalnum hætta menn að sjálfsögðu að eyða peningum í hundasálfræði og árulækningar og 150 þúsund króna frakka og annað í þeim dúr og huga í þess stað að brýnustu nauðsynjum. Yfirskuldsett þjónustuhagkerfi er beisíkalli það sem vilt síst af öllu standa uppi með þegar skellur á kreppa í kjölfar yfirmettunar skuldapappíramarkaðar. Hmm, þetta gæti kannski kallast Annað hagfræðilögmál Baldurs, það gæti náttúrlega verið það fyrsta en annað hljómar einhvern veginn betur. En nú verð ég að hlaupa og fer því yfir nauðsynlegar aðgerðir í athugasemd hér aðeins síðar. Góðar stundir.