Þættinum hefur borist fyrirspurn um orðatiltækið að...

22.4.2008 | 15:42

Þættinum hefur borist fyrirspurn um orðatiltækið að vita/geta/kunna ekki rassgat í bala og tilurð þess - í tilefni notkunar Menningarráðherrans á því

Vitað er um notkun þess þegar á sextándu öld. Þá var byrjað að flytja inn svok. bala sem fljótlega voru notaðir til baða þannig að menn sátu á rassgatinu í þeim í vatni og aðstoðarmaður jós yfir þá vatni. Þetta þótti fremur fáránleg iðja og tilgangslaus tímasóun og því myndaðist fljótt yfirfærða orðatiltækið að gera ekki rassgat í bala eða vita ekki RÍB og svo framvegis um áberandi leti, heimsku og fáfræði. Einn dyggur hlustandi þáttarins kannaðist við notkun þessa orðatiltækis á diskótekum á Spáni á áttunda áratugnum og nægði sem sagt að segja rassgat í bala við dyraverðina og þá fengu menn frítt inn. Þættinum er þá lokið í dag, góðar stundir.

Flokkur: Bloggar | Facebook