Síkópatahyski framleiðir á færibandi terrorsjó og stríð og fjármálabólur og aðrar mjög svo ábatasamar ógnir

Á sjötta hundrað manns biðu bana eða særðust í fimm sprengjuárásum í miðborg Bagdad í dag. Árásirnar eru taldar tengjast kosningum í mars á næsta ári. Lögreglumenn eru grunaðir um að hafa aðstoðað árásarmennina sem bera ábyrgð á ódæðinu.

Yfirvöld segja að minnsta kosti 127 hafi fallið og yfir 450 særst. Mörgum hinna særðu er ekki hugað líf. Sprengjurnar sprungu með skömmu millibili sem bendir til þess að einhver einn aðili hafi skipulagt öll tilræðin. Fjórar af sprengjunum sprungu í grennd við opinberar byggingar. Fjölmörg börn og unglingar voru meðal þeirra sem létu lífið eða særðust.

Mikil öryggisgæsla er í miðborg Bagdad og því er talið að lögreglumenn hafi aðstoðað árásarmennina.

Gordon Brown, forsætisráðherra Bretlands, fordæmir ódæðin. Miklar framfarir hafi átt sér stað í Írak að undanförnu þegar komi að stjórnmálum og öryggis- og efnahagsmálum. Öfgamönnum muni ekki takast að grafa undan uppbyggingarstarfinu í Írak.

Vísir, 08. des. 2009 22:24

Lögreglumenn taldir hafa aðstoðað árásarmennina

visir.is