Fyrsta af raðgjaldþrotum seðlabankans kostaði skattgreiðendur 300 milljarða

Þetta kemur fram í fjárlagafrumvarpinu fyrir næsta ár. Tapaðar veðlánakröfur seðlabankans á gjaldþrota bankakerfi eru upp á 300 milljarða. Síðan lagði ríkissjóður til aðra 300 milljarða til að taka yfir bankakerfið sem var nýbúið að spila ábyrgðarlausa óvita í seðlabankanum upp úr skónum og þar með að fullkomna sitt viðskiptamódel - að stela landinu og flytja það út, allt undir kontról pólitískra eigna sinna og sýndarlöggæslu og skrípaeftirlits.

AGS og Norðurlöndin lánuðu til áframhaldandi starfsemi þrotabús seðlabankans  og færist það til málamynda í bókhald þrotabúsins. En að sjálfsögðu færast næstu gjaldþrot þess á skattgreiðendur, það er ekki nein önnur endastöð hvað það varðar. Þessi lán upp á hundruði hafa víst átt að styrkja krónuna, sem er nánast bannað að selja, en er samt krónískt í sögulegum botni og ætti það að segja sitt um það traust sem markaðurinn hefur á mafíusjónhverfingum þessum öllum. Spekúlantar munu án efa mergsjúga þetta rotna kerfi skipulega á næstu misserum og seðlabankinn fara reglulega á hausinn á kostnað skattgreiðenda. 

Athugasemdir

[eysi, 11.11.2009 kl. 19:39]

Ef þetta heldur áfram eins og er búið að vera að gerast... hvað verða þá skattar háir, eða hvað er langt þangað til að ríkið fer á hausinn.

Ég vil bara fá gisk, bara miðað við gefnar upplýsingar og engar breytingar.

En er ekki eina leiðin til að koma Íslandi á réttu brautina að hætta að borga skuldir ríkisins og segja að þetta lið sem að lánaði okkur var bara of heimskt til að fatta það að þeir eru ekki að fara fá borgaðan þennan pening til baka þar sem peningurinn fór bara í vitleysu. Jaila síðan gaurana sem rændu öllu hérna og fá peningana þeirra einhvernveginn til baka. Og að lokum hreinsa út úr álþingi.

En til þess að það verði búanlegt hérna(ekki lifa eins og þræll) þarf fólkið að fara átta sig á þessu og fara að gera eithvað af viti(t.d. ekki kjósa neinn af þessum rusl stjórnmálaflokkum)...

[Baldur Fjölnisson, 12.11.2009 kl. 16:25]

Tja, þeir fara nú í kringum skuldafjallgarða ríkisins eins og kettir í kringum heitan graut en ætli megi ekki fastlega gera ráð fyrir að skuldirnar verði 2500 milljarðar amk. á næsta ári. Vaxtabyrðin af því gæti orðið þetta 150 milljarðar, eða sirka þriðjungur núverandi tekna sjóðsins. Augljóslega gengur það ekki upp og úr því að yfirleitt til stendur að til að setja þessar drápsklyfjaskuldir á skattgreiðendur þá þurfa téðir skattgreiðendur að borga meira, miklu meira. Og þar sem jafnframt þarf að segja upp hluta skattgreiðendanna (segjum fjórða til fimmta hverjum starfsmanni hins opinbera) þá fækkar greiðendum og meira leggst á þá sem eftir eru. Til að standa undir þessarri hryllilegu klyfjum þarf að mínu áliti að tvöfalda tekjur ríkisins á næstu 2-3 árum og jafnframt draga úr gjöldum þess. Annars lendir það í greiðsluþroti á næstu misserum. Það er engin lausn að taka ný lán fyrir vöxtum og afborgunum og nauðsynlegt að taka drastískt á málinu.