Langalræmdur ruglustrumpur vill láta reka Egil Helgason fyrir hlutdrægni

Fyrrum dómsmálaráðherra, Björn Bjarnason, krefst þess á vefsvæði sínu að sjónvarpsmaðurinn Egill Helgason verði rekinn af RÚV, þar sem hann heldur úti sívinsælum þætti sínum, Silfur Egils.

Ástæða þess að Björn vill láta reka sjónvarpsmanninn geðþekka er sú að hann sé svo hlutdrægur í afstöðu til manna og málefna að það gerir hann óhæfan til þess að stjórna þætti um þjóðmál á Ríkisútvarpinu, sem lýtur lögum um hlutleysi.

„Lögleysan í kringum þátt Egils, verður ekki afsökuð með því, að hann sé einhver öryggisventill fyrir almenningsálitið, sem annars brytist fram á enn hroðalegri hátt en í nafnlausri illmælgi á bloggsíðu Egils," segir Björn sem einnig var menntamálaráðherra á tíunda áratugnum en RÚV heyrir undir menntamálaráðuneytið.

Björn spyr svo að lokum: „Hver hefur heimild til að leysa Egil Helgason undan lögum um ríkisútvarpið? Páll Magnússon, útvarpsstjóri? Sé svo, ætti hann að sýna eigendum RÚV hana."

visir.is

[Fyrirsögnin endurbætt af B.F.]

Athugasemdir

[Jón Steinar Ragnarsson, 21.10.2009 kl. 12:11]

Ég er nú sammála því að það megi alveg setja ofan í við hann og Rúv í heild sinni. Smfylkingarslagsíðan er ekki bara pínleg þarna, heldur beinlínis hættuleg. Persónulegt mat Egils er það að við skulum taka Icesave þegjandi, halda AGS og ganga í evrópusambandið.  Það birtist svo í viðmælendavali og efnistökum (einnig hjá öðrum fréttaskýrendum á ruv)

Það er fáránlegur strámaður hjá Agli að mála þetta sem einhverja persónulega árás og dragnast með einhvern píslarvættiskross. Samfylkingin gegnsýrir alla fölmiðun hér og það er algerlega óviðunandi að hún ráði efnistökum og fréttamati á ríkisfjölmiðli. Egill þarf áminningu þar eins og fleiri á þessu batteríi.

[Baldur Fjölnisson, 21.10.2009 kl. 13:36]

Hef ekki séð nokkurn skapaðan hlut frá ruslveitu ríkisins síðustu tvö árin og gafst upp á kellingaspjalli Egils þegar hann var með það á ruslveitu stöðvar tvö. En þetta væl í BíBí (einum alöruggasta gagnvísi landsins) bendir óneitanlega til þess að Egill sé að gera eitthvað rétt.