Spilaði á heiladauða yfirstjórn og gagnslaust sýndareftirlit

Aðrir spiluðu tugi eða hundruði milljarða út á heiladauða stjórn landsins og verra en gagnslausa sýndarlöggæslu en þessi kona náði bara 50 milljónum. Samt nokkuð vel af sér vikið þar sem framlög til þessa alveg tilgangslausa sendiráðs námu 57 milljónum í fyrra.

 ------------------------------------------------------------------

 

Forgangsröðum og skortur á mannafla kom í veg fyrir að Ríkisendurskoðun færi yfir bókhald sendiráðanna í fyrra. Konan sem gegndi starfi bókara í sendiráðinu í Vín og grunuð er um að hafa dregið sér rúmlega fimmtíu milljónir króna er talin þjást af alvarlegri spilafíkn sem hafi farið úr böndunum.

Ekki er ljóst yfir hversu langt tímabil fjárdrátturinn á að hafa staðið en konan gegndi starfi bókara hjá sendiráðinu á annað ár. Grunur leikur á að konan hafi dregið sér rúmlega fimmtíu milljónir króna en þess má geta að fjárframlög til sendiráðsins í Vín voru 57 milljónir í fyrra. Hún mun hafa haft aðgang að reikningum sendiráðsins en einnig utanríkisráðuneytisins. Samkvæmt heimildum fréttastofu glímir konan við alvarlega spilafíkn og virðast peningar ráðuneytisins hafa farið í veðmálsleiki á netinu. Konan sem er um þrítugt, er barnshafandi og var vikið frá störfum eftir að hún játaði brot sitt.

Össur Skarphéðinsson utanríkisráðherra segir að um sé að ræða mannlegan harmleik þar sem ung manneskja lendi í erfiðum kringumstæðum. Hann segist hafa samúð með konunni.

Ríkisendurskoðun hefur nú þegar hafið rannsókn á verklagi utanríkisráðuneytisins. Sveinn Arason ríkisendurskoðandi segir hins vegar að bókhald sendiráðanna hafi ekki verið endurskoðað í fyrra og það sem af er þessu ári. Sveinn segir rannsókn ríkisendurskoðunar skammt á veg komna og var ekki tilbúinn að segja hvort um vanrækslu væri að ræða hjá utanríkisráðuneytinu.

Helga Arnardóttir skrifar: 

http://visir.is/article/20091014/VIDSKIPTI06/872083954

Athugasemdir

[Sveinn hinn Ungi (IP-tala skráð) 14.10.2009 kl. 21:13]

Furðulegt að enginn hafi tekið eftir þessu, hún náði 88% af fjármagninu.

[Baldur Fjölnisson, 15.10.2009 kl. 22:28]

Utanríkisráðuneytið hefur verið lengi eitt helsta fjársvikavígi fjórskipta einflokksins og hefur hann lengi sturtað sínum úrgangi þar niðúr og komið síðan af fjöllum.