Snæbjörn hjá Smáís var örugglega mjög erfiður í partíum

Ef einhver kom með ipod og tengdi hann við græjurnar heimtaði Snæbjörn sjálfsagt kvittun fyrir innihaldi ipodsins og kærði síðan eigandann. Sannkallaður hrókur alls fagnaðar að eigin áliti en vegna hagsmuna annarra eru partídagar hans sjálfsagt löngu liðnir.

Athugasemdir

[Mummi, 1.10.2009 kl. 11:20]

Flottur ritstuldur

http://dl.getdropbox.com/u/65924/ScreenShot%202009-10-01%20at%2011.08.08.jpg

[Mummi, 1.10.2009 kl. 11:20]

[dvergur, 1.10.2009 kl. 11:27]

[Baldur Fjölnisson, 1.10.2009 kl. 12:38]

Ég var með þennan frasa á vikingbay tilheyrandi fangavaktinni þar og þá var tengdur niðri þannig ég á þá kannski að vera að stela eigin frösum.

[Jón Steinar Ragnarsson, 5.10.2009 kl. 16:34]

Ég var að fá viðvörun frá mbl blogg um höfundarréttarbrot, af því að það voru þrjú lög inni á spilaranum mínum. Þar af 2 í public domain.

Þetta lið er ekki með fullum fimm.  Hér er bréfið:

Að gefnu tilefni er skráðum notendum blog.is bent á eftirfarandi atriði sem finna má í skilmálum blog.is:

"Notkun á texta, skjölum, hugbúnaði, myndböndum, tónlist og öðru höfundaréttarvörðu efni á síðunni er óheimil nema með samþykki rétthafa. Slíkt efni verður fjarlægt að beiðni rétthafa. Ef notandi bloggsíðu gerist ítrekað sekur um að setja höfundaréttarvarið efni inn á síðu áskilur Morgunblaðið sér rétt til þess að loka viðkomandi síðu."

Notendum er bent á að fara yfir vefi sína og athuga hvort þessir skilmálar hafi hugsanlega verið brotnir.

Umsjónarmönnum hafa borist ábendingar um að einhverjir notendur blog.is hafa virkjað tónlistarspilara og sett þar inn tónlist án tilskilinna leyfa. Samkvæmt lögum er óheimilt að setja þar inn tónlist sem er höfundarréttarvarin nema með leyfi rétthafa. Hægt er að afla sér frekari upplýsinga um höfundarréttarmál á vef STEFs, http://www.stef.is/STEF/Hofundarrettur/Log/

Hér með er óskað er eftir að allt efni sem brýtur í bága við höfundarrétt verði fjarlægt af notendum blog.is fyrir 1. desember nk. Vinsamlega hafið samband ef óskað er frekari upplýsinga. Þeir notendur sem ætla sér að nota tónlist á síðum sínum áfram, eru hvattir til að leita leyfis hjá STEFi og öðrum rétthöfum.

Umsjónarmenn blog.is

[Jón Steinar Ragnarsson, 5.10.2009 kl. 16:36]

Nú hætti ég að kaupa og spila Íslenska tónlist. Alfarið. Punktur.

[Baldur Fjölnisson, 5.10.2009 kl. 16:42]

Ja hérna.

Þetta hlýtur að vera ein alheilagasta heimsins samtryggingarmafía.