Erlendir eigendur fjórskipta einflokksins stilla fljótlega upp nýju leppstjórnarmynstri

Landinu var kerfisbundið stolið og það flutt út undir eftirliti leppa við stjórn landsins og núverandi leppar hafa með ótrúlegri frekju og yfirgangi reynt allt til að gæða þjófnað eigenda sinna einhvers konar "löglegu" yfirbragði, það er láta einhverja aðra en þjófana sjálfa borga brúsann. Það gengur hins vegar illa að ljúga þessa ósvinnu í gegn og leppstjórnin að molna í sundur og því tel ég víst að næsta gjörónýta leppalið fjórskipta einflokksins birtist brátt á leikvellinum.

Útlendingar eiga eitthvað um 55% allra útistandandi ríkisbréfa og 75% ríkisvíxla. Ruglandi flækjufóta fjórskipta einflokksins snýst því aðallega um að þvæla málin einhvern veginn áfram og tefja og gefa erlendum eigendum flokksins þar með tíma til að færa fjármuni sína úr landi án þess að krónan jafnframt hrynji.  Þannig er staðan. Ég býst við að erlendu eigendurnir láti litla og stóra íhaldið (S og D)  rugla og ljúga málin amk. til vors, ef það lafir þá svo lengi en annars eru svo sem fleiri samsetningar mögulega. En erlent eignarhald á þeim er þeim öllum sameiginlegt.