Glæpadrifið vændisræði

Þetta er nýtt félagsfræðilegt hugtak sem yðar einlægur hefur fundið upp og telur lýsa glögglega þeirri pólitísku maskínu sem hefur ásamt kostendum sínum úr fjármálaheiminum stolið þessu landi og sett það á gjörsamlega á hausinn. Í rauninni er þetta rökrétt niðurstaða fyrirtækjakostaðs ríkisvalds. Það hlýtur að þróast smám saman í allsherjar þjófnaðarorgíu þar sem lögverndaðir glæpamenn hirða allt og pólitískar eignir þeirra skýla þeim og verja þá fyrir óþægilegri umræðu og öðrum truflunum á meðan eitthvað er eftir til að hirða. Síðan þegar ríkissjóðurinn er gjaldþrota með fjórðung vinnuaflsins á bakinu auk sívaxandi fjölda sjúklinga og eftirlaunaþega og gamlingja, nú þá er auðvitað nauðsynlegt að stúta drjúgum hluta þjóðarinnar. Og það er einmitt mikil paník núna við að koma einhverjum vafasömum sprautuóþverra í hvert einasta mannsbarn.
Þetta ferli sem ég lýsi hefur verið að ganga yfir allan hinn vestræna heim, bara misjafnlega hratt. Hér hefur ferlið verið óvenju hratt vegna þess að pólitíkusar og ruslveitur og aðrir helstu veruleikahönnuðir almennings hafa fyrir nokkru algjörlega gjöreytt sínum trúverðugleika og upplýsingamiðlun almennings þannig orðið bæði skilvirkari og sannari. Það hefur verulega flýtt dauðdaga glæpadrifna hóruræðisins hérna sem greinilega er núna að hruni komið. Dauðateygjurnar koma fram í einhverjum hlægilegum ritskoðunarkröfum frá þessum óskapnaði sem hafa ekki teljandi fylgi utan óskapnaðarins sjálfs. Amen og kúmen.

Athugasemdir

[eysi, 8.9.2009 kl. 15:18]

Ég vona það allavega að þegar fólk fer að missa aleiguna og verður heimilislaust í leiðinni að það fatti hvað þetta er orðið skemmt kerfi sem við lifum við.

[Baldur Fjölnisson, 8.9.2009 kl. 19:50]

Það áttar sig á því nú þegar, en landinn er nokkuð vel vaninn og heilaþveginn eftir áratuga innrætingu frá heiladeyfandi skólakerfi, stýrðum ruslveitum og sífellt aumari pólitíkusum. En fólk lætur ekki slíka labbakúta hafa sig að fífli endalaust. Pimparnir eru flúnir ofan í sínar rottuholur með sjóðinn og eftir sitja heldur aumingjalegar hórur sem enginn nennir að hjakka á en samt þurfa þær himinháar þóknanir og brátt verður bannað með lögum að ræða hvers vegna skylt er að moka peningum í þær og fá minna en ekki neitt í staðinn.