Hrun krónunnar: Icesave-ruglið hefur þegar hækkað um 50 milljarða

Ég legg til að samningsruglanda þessum verði rift og borið við hinu augljósa; heimsku og/eða heilarýrnun og spillingu undirmálsliðsins sem greinilega algjörlega vanhæft fólk sérvaldi til að klúðra enn frekar þessum ruglanda sem fjármálaeigendur fjórskipta einflokksins bjuggu til.

Það er raunar sérkennilegt að það geti hrunið í verði sem nánast er bannað að selja og vafalaust félli krónan strax um 50-80% ef viðskipti með hana væru frjáls. Kannski væri gæfulegast að láta það bara skella á og reyna þannig að finna botn sem hægt væri að vinna sig upp úr. Sem fyrr mun einflokkurinn stefna að því að teygja þennan lopa og hámarka þannig skaðann með tímanum og fyrst og fremst reyna að halda fólki sofandi á meðan restin er hirt af eigum þess.