Með innherjaáætlun ef bankarnir færu í þrot

Ráðuneytisstjórinn hjá dýralækninum seldi sitt og það var haft samband við vinkonu Dabba og hún losaði sig við bréfin og miklu fleiri innherjamál þarf að rannsaka í því gjörspillta kerfi sem hér ríkti og ríkir vafalaust enn. Þá eru það skuldaafskriftir vina og vandamanna og hvernig bankastarfsmönnum var forðað frá gjaldþroti til að þeir gætu áfram starfað í bönkunum í stað þess að verða reknir. Þessi svikamylla gekk fyrir lygum, blekkingum og spillingu og þegar bankarnir fara aftur á hausinn í síðasta lagi í haust eða vetur verður áfram hlúð að spillingar- og innherjakúltúrnum, það er næsta víst.

Innlent | Morgunblaðið | 14.5.2009 | 05:30

Með áætlun ef bankarnir færu í þrot

Seðlabankinn mat hver kostnaðurinn af fjármálaáfalli gæti orðið og birti í fjármálastöðugleikaskýrslu í maí í fyrra. Með hliðsjón af alþjóðlegri reynslu taldi bankinn að heildartap við fjármálaáfall gæti numið allt að 400 til 500 milljörðum króna eða 30-40% af vergri landsframleiðslu eins árs, en það myndi dreifast á allmörg ár.

Matið gerði Seðlabankinn eftir að hafa fengið einn færasta fjármálakreppusérfræðing heims, Andrew Gracie, til að meta mögulegar leiðir vegna svartrar stöðu bankanna. Morgunblaðið hefur glærur sérfræðingsins undir höndum.

Með Gracie voru áætlanir gerðar tækist Glitni ekki að fjármagna sig fyrir stóran gjalddaga í október og færi í þrot. Ráðuneytisstjórar helstu ráðuneyta fengu kynningu.