Helgileikur Sjálfstæðisflokks slær í gegn

Hér sést Andri á krossinum. Hannes Hólmsteinn í hlutverki Maríu meyjar hlúir að sárum hans. Í baksýn má sjá nafna hans, Hannes Smárason, í hlutverki hins þjófótta en stálheppna Barrabasar.

Dabbi, leikklúbbur Sjálfstæðisflokksins, hefur svo sannarlega slegið í gegn með sérlegri páskauppfærslu sinni, þar sem píslarsögu Krists eru gerð eftirminnileg skil.

Guðlaugur Þór Þórðarson þykir fara á algerum kostum í hlutverki erkiskúrksins Júdasar, þar sem „slægðin og mannvonskan lekur úr hverjum andlitsdrætti“, eins og einn himinlifandi leikhúsgestur orðaði það.

Ekki þykir Kjartan Gunnarsson síðri í hlutverki Símons Péturs, en gagnrýnandi hafði á orði að afneitanir hans hefðu verið afar sannfærandi – og auk þess mun fleiri en menn eiga að venjast.

Þá hefur endir leikritsins vakið verðskuldaða athygli – því Jesú, í eftirminnilegri túlkun Bjarna Benediktssonar, sleppur undan Rómverjunum með því að fela sig í fjárhirslum Heródesar, sem Davíð Oddsson leikur af innlifun í frábæru kommbakki.

Jesú er því næst bjargað af heitkonu sinni Maríu Magðalenu, sem Þorgerður Katrín Gunnarsdóttir gerir sæmileg skil – þó henni hafi af einhverjum ástæðum virst mjög í nöp við frelsarann geðþekka. Við skiljum við þau skötuhjú þar sem þau hafa reist sér fallegt einbýlishús í Garðabæ.

Andri Óttarsson, í hlutverki lærisveinsins Andrésar, er hins vegar krossfestur mjög kyrfilega í stað meistara síns. Ólíkt Jesú rís hann þó ekki aftur upp frá dauðum. Því miður.

 

http://baggalutur.is/frettir.php?id=4531

 

Athugasemdir

[Jón Aðalsteinn Jónsson, 11.4.2009 kl. 12:14]

[Gullvagninn (IP-tala skráð) 11.4.2009 kl. 12:48]

spurning hvort þeir haldi sig við upprunalegu leikfléttuna,

eftir að FLokkurinn var krossfestur á Föstudaginn Langa (FL) að þá rísi hann upp frá dauðum á páskadag?

[Baldur Fjölnisson, 15.4.2009 kl. 18:17]

Kerfið er allt meira og minna undirlagt af jólasveinum íhaldsins (vitleysingar raða skiljanlega helst hálfvitum í kringum sig, það laðast jú yfirleitt saman sem deilir hugmyndafræði, viðhorfum, vitsmunum og eftir atvikum geðveilu) eftir langvarandi stjórnarsetu þess og því nægir engan veginn að losna við það úr stjórn heldur þarf líka grimmt að sparka ríkisforstjórum þess. Ég legg til að nokkur hundruð þeirra verði sparkað til Rússlands, þar vantar bændur og stjórnvöldin þar hafa verið td. að bjóða bandar. bændum ókeypis land flytji þeir þangað. Annars er upplagt núna að flytja þetta 50 þús. manns úr landi, eftir það yrði næg atvinna, húsnæði svo til ókeypis og duglegt fólk fengi aukið olnbogarými og tækifæri til lands og sjávar.