Meðalupphæð húsnæðislána er um 30 milljónir sem vafalaust þýðir að amk. helmingur skuldaranna er gjaldþrota

Húsnæðismarkaðurinn hangir uppi á lýginni einni saman og mun verð húsnæðis hrynja um amk. helming þegar lygahækjur markaðarins halda ekki lengur. Hér hafa heilu hverfin verið lengi á lager og einhverjir hlægilegir turnar hér og þar. Það er sem sagt massíft umframframboð húsnæðis í hagkerfi þar sem eftirspurn og velta eru í frjálsu falli. Það hefur svo til ekkert að segja í þessu sambandi þó gjaldþrota ríkissjóður, fallít íbúðalánasjóður og raðgjaldþrota bankar geri sig enn meira fallít með því að "gefa eftir" einhverjar milljónir per skuldara. Þrjú hundruð milljarðar er bara dropi í hafið í hagkerfi sem skuldar samtals amk. 20 þúsund milljarða. Ef gjaldþrota ríkiskerfi og gjaldþrota lánastofnanir í eigu þess eiga að vera aflögufær um þessa fjárhæð er skárra að búa hana bara til í tölvukerfinu (prenta hana) og senda hverju mannsbarni eina milljón (gerir samtals 300 milljarða) og grátbiðja fólk að eyða því í vörur og þjónustu. Það myndi strax hjálpa atvinnulífinu og jafnvel skapa einhver störf en áreiðanlega hægja á aukningu atvinnuleysis, amk. í bili.

En vafalaust þarf að taka amk. helming skuldara landsins til gjaldþrotaskipta strax og best að ljúka því af. Þá er hægt að fella niður skuldir á hefðbundnum forsendum og samkvæmt lögum. Það er bara óhollt að hafa vonlaus dæmi hangandi yfir þessu kerfi nógu illa leikið er það fyrir.