Ruslveitur og gúmmístimplar á álþingi undir smásjá rannsóknarnefndar

Það liggur að sjálfsögðu beint fyrir að rannnsaka veruleikahönnunarmaskínu landsins og hvað það var sem hélt stórum hluta almennings sofandi á meðan hreinsað var innan úr bönkunum og þjóðarbúinu þangað til það var að fullu mergsogið og kominn tími til að henda leifunum í skattgreiðendur. En það þarf líka að rannsaka "eftirlitsstofnanir" sem sköpuðu falskt öryggi og vottuðu að allt væri í sómanum og stæðist "álagspróf" allt þangað til draslið rúllaði á hausinn. Það þýðir ekkert að hlaupa í sama meðvirknikastið og setti okkur á hausinn til að afsaka alla þessa veruleikahönnunar og svæfingarmaskínu. Hagkerfið allt þarf núna að fara í allsherjar eignakönnun og þá með aðstoð Interpol og til að vera á undan kúrfunni legg ég til að strax verði lagðir nokkrir milljarðar í byggingu fangelsis, reyndar mætti sjálfsagt breyta tónlistarbrandaranum á hafnarbakkanum í fangelsi og eftir að seðlabankinn hefur verið lagður niður (AGS stjórnar honum algjörlega frá Wall Street) mætti nota húsnæði hans í sama skyni. Góðar stundir.

Athugasemdir

[doddý, 10.3.2009 kl. 21:45]

sammála - kv d