Allir heimsins lygakvótar eru 150% nýttir og því engan veginn hægt að ljúga sig frá gjaldþroti fjármálakerfis heimsins

Meiriháttar krass leifa hlutabréfamarkaða vestan hafs og austan virðist óumflýjanlegt í þessarri viku eða næstu. Bankakerfi Bretlands er greinilega í andarslitrunum og Wall Street hangir saman á lyginni einni saman og engu öðru. Ísland var aðeins hið fyrsta í langri röð þjóðargjaldþrota sem nú eru að fara af stað. Þetta verður mikið og fróðlegt sjónarspil. Gangi ykkur allt í haginn.

Athugasemdir

[Gullvagninn (IP-tala skráð) 18.2.2009 kl. 20:07]

Þetta hefur maður heyrt úr mörgum áttum síðustu mánuði.  Menn tala um einhverjar hörmungar á fyrstu mánuðum ársins, sjá t.d. hér.

Getur þú nokkuð reynt að útskýra fyrir tréhausum eins og mér hvaða áhrif það hefur hér á landi?

[Baldur Fjölnisson, 18.2.2009 kl. 20:20]

Við erum þegar farin á hausinn og þeir sem eiga að "bjarga" okkur eru á hraðri leið á hausinn líka. Þannig að björgunin kemur ekki þaðan. Ef við höfum raunverulega einhverjar lánalínur eða lánsmöguleika hjá AGS og ef það er meira en orðin tóm þá mæli ég með að það verði nýtt sem fyrst. Þegar stærri hagkerfin byrja að rúlla tæmast fljótt allir sjóðir hjá AGS.

[Sveinn hinn Ungi (IP-tala skráð) 18.2.2009 kl. 20:31]

Getur ekki verið að við verum í jafnvel betri stöðu en margar aðrar þjóðir.

Hjá okkur fóru bankarnir á hausinn, megnið af skuldunum verður afskrifað. Aðrar þjóðir ætla að varast að fara eins og Ísland, og taka því alla bankana í fangið. Það verður ennþá hroðalegri niðurstaða.

Held ég alla vega. Hvað heldur þú um þetta Baldur?

[Baldur Fjölnisson, 18.2.2009 kl. 20:52]

Erum við skattgreiðendur ekki einmitt með bankana í fanginu ásamt þeirra skuldbindingum?

Staðan hérna er sérstaklega erfið að því leyti að skuldabólukerfið blés upp, auk hrynjandi eignabóla, fáránlegan þjónustuvinnumarkað sem skiljanlega er að hrynja eins og spilaborg eftir að skuldapappíraframleiðslan stoppaði. Ríkissjóður er síðan gjaldþrota og getur ekki aukið útgjöld til að örva atvinnulífið. Til að keyra þetta fallít bú enn frekar í svaðið eru síðan vitfirringar hér með stýrivexti í hæðum sem vart finnast jafnvel í öðrum ávaxtalýðveldum.

[Sveinn hinn Ungi (IP-tala skráð) 18.2.2009 kl. 22:44]

Jú, vissulega er þetta svart.

En varðandi skuldir gömlu bankanna, þá stendur ekki til að greiða þær, öfugt við það sem Bretar og Þjóðverjar og Írar o.s.frv. ætla að gera. Þeir ætla að taka allt heila bullið á sig. 

[Baldur Fjölnisson, 19.2.2009 kl. 09:16]

Þetta er fyrsta gjaldþrot þjóðarbús af mörgum og gefur því fordæmi. Það breytir engu þó einhverjir leppaseppar hér séu gjammandi um að ekki standi til að borga. Þeir gegna bara sínum erlendu húsbændum og þeirra verklagsreglum þegar allt kemur til alls.