Davíð sagði bankana sterka í mars sl. og jafnvel þó þeir féllu þá myndi ríkið ráða við það

Sagði bankana sterka í mars

Davíð Oddsson sagði efnahag Íslands sterkan viðtali við Channel 4 í mars.

 Davíð Oddsson seðlabankastjóri sagði efnahag íslenska ríkisins og íslensku bankana vera með eindæmum sterka og að ekkert í líkingu við fall stóru viðskiptabankanna væri líklegt til að eiga sér stað, í viðtali við ensku sjónvarpsstöðina Channel 4 í byrjun mars 2008. Í viðtalinu heldur Davíð því einnig fram að þó svo bankarnir féllu yrði ekki um slíkar fjárhæðir að ræða að íslenska ríkið réði ekki við þær.

Í ítarlegri úttekt Faisal Islam, fjármálafréttamanns Channel 4, frá því í mars er sjónum beint að íslensku bönkunum og háu skuldatryggingaálagi þeirra. Meðal annars er rætt við fulltrúa breska fjármálaeftirlitsins og ráðleggur hann almenningi eindregið að hafa varann á í viðskiptum við íslensku bankana.

Í viðtali Islams við seðlabankastjóra segir Davíð að skuldatryggingarálagið á suma af íslensku bönkunum sé allt of hátt og ósanngjarnt og þarfnist útskýringar við. Spurður hvort innlán í íslenskum bönkum á erlendri grund séu tryggð myndu bankarnir falla segir Davíð: „Þessir bankar eru svo traustir að ekkert slíkt er líklegt til að gerast, og ef það myndi gerast værum við aldrei að tala um alla upphæðina, því það er aldrei þannig. En jafnvel þá, með íslenskan efnahag og íslenska ríkið skuldlaust, yrði þetta ekki of mikið fyrir ríkið til að ráða við."
- kg

FBL 11/2/2009

Athugasemdir

[DoctorE (IP-tala skráð) 11.2.2009 kl. 08:52]

Þetta lið er allt froskaheft :)

Ég vissi að allt var að fara fjandans til löngu á undan þessu liði.. .ég hafnaði td Glitni þegar þeir gengu á eftir mér með að breyta mínu láni í erlent... það var í jan 2008.... náttlega datt mér ekki í hug að ísland yrði rjúkandi rústir hahaha
Ég hugsa að flestir hafi vitað að eitthvað rosalegt var að fara að gerast.... en dissuðu það

[Baldur Fjölnisson, 11.2.2009 kl. 11:43]

Þetta eru klappstýrur sem hafa séð um að rugla fólk í ríminu þannig að nægur tími og næði gæfist til að rýja það inn að skinninu. Það kemur ekki til af góðu að ég líki þessu dóti öllu oft við hórur (tekið skal fram að ég er ekki með þessu að gera lítið úr heiðarlegum og hefðbundnum hórum þó ég líki pólitíkusum, viðskiptamönnum og ruslveitugögnum og álitsgjöfum og veruleikahönnuðum öðrum við þær).