Gjaldþrota ríkissjóður ætlar að útvega fallít bönkum 400 milljarða og líka redda völdum gjaldþrotum einkavina sinna

Það væri fróðlegt að vita hvernig þessir strumpar ætla að framkvæma það, hahahaha. En það fylgir að sjálfsögðu ekki sögunni. Það er verra en þýðingarlaust að hækka skatta í hrynjandi hagkerfi og gjaldþrota ríkissjóður fær varla teljandi lánafyrirgreiðslu nema þá á sérstökum afarkostum auk þess sem stofnanir í gjaldþrota hagkerfum vesturlanda eru ekki aflögufærar í mikið meira en að fresta opinberu gjaldþroti eigin hagkerfa. Það verður því að krefja förgunarúrræðin umhverfis Arnarhól og vitlausraspítalann við Austurvöll um svör. Innihaldslaust gjamm út í loftið dugar ekki. Almenningur kaus þetta dót sem peningar og ruslveitur auglýstu og hann á kröfu á að dótið vinni eftir hagsmunum almennings en ekki einhverra sérvalinna kostenda dótsins. Það er nú ekki til of mikils mælst.

Athugasemdir

[Agný, 30.12.2008 kl. 13:28]

Þeir sem sitja við stýrið á þjóðarkútunni og eiga að standa fram í stafni eru flestir löngu flúnir í koju.....Því miður virðist það vera sama hver það er sem er kosinn..það endar alltaf í einhverri samsteypu óstjórn..Þó að skifti eitthvað um stöður innbyrðis og nýjir "hásetar" komi um borð þá hefur sko gleymst að smúla dekkið..

Gamla skítafýlan smitar fljótlega yfir á þá...Já það vantar ekki koningaloforða rulluna..sömu gömlu tuggunni ælt upp á fjögurra ára fresti en bara í aðeins flottari auglýsingaskrumskælingarbúningi.....og ekki bætir úr skák að flestir virðast vera með jafn lítið minni og gullfiskurinn þegar að kosningum kemur...Okkur íslendingum verður ekki fótaskortur í vitinu það er alveg pottþétt, því miður..allavega ekki þegar að kosningum kemur..

En því miður hefur þetta lið sem er við stjórnvölinn ekki verið þekkt fyrir það að setja sig í spor almennings og þeirra sem hafa það lakara fjárhagslega en það sjálft...Vantar ekki hrokann og drambið ....ef að þetta lið væri hross þá myndi það drukkna í rigningu...

[Baldur Fjölnisson, 30.12.2008 kl. 21:44]

Það er allsendis óljóst hvernig þetta algjörlega fallít bú ætlar sér að redda hlutunum. Skattahækkanir koma varla til greina því þær minnka ráðstöfunartekjur neytenda (fatalt í kreppunni) og auka þannig aðeins atvinnuleysi. Og síðan verður það síversnandi vítahringur enda byggist hagkerfið að mestu á neyslu og þjónustu. Þar sem bæði ríkissjóður og seðlabanki eru gjaldþrota fá þessir aðilar tæplega nein erlend lán að gagni og við höfum þegar séð vandræðaganginn í kringum það. Það er ekkert traust á þessum stjórnendum, hvorki innanlands né utan enda hafa þeir greinilega keyrt hér allt í þrot á skipulegan hátt, logið eins og maskínur í aðdraganda hrunsins og halda síðan hiklaust áfram að ljúga eins og hver maður sér. Hvað ætla þeir að gera? Hvers vegna krefja ruslveiturnar þá ekki um raunhæf svör? Hvað með gúmmístimplana á álþingi? Telur allur þessi skækjusöfnuður sig vera algjörlega án ábyrgðar?

Góðar stundir.