Töluverð verðhjöðnun á heimsvísu líkleg út næsta ár amk.

Helsta ástæðan er hroðaleg offramleiðslugeta á heimsvísu og verður hún beinlínis katastrófísk núna þegar dregur verulega úr eftirspurn i meira og minna gjaldþrota hagkerfum vesturlanda en asíska framleiðsluvélin heldur áfram á fullu. Kínverjum er í raun nauðugur einn kostur að halda sinni framleiðslu áfram á fullu, enda væri voðinn ís ef tugmilljónir misstu vinnuna þar núna. Það myndi leiða til alvarlegs óróa innanlands og áreiðanlega átaka sem erfitt væri að sjá fyrir endann á. Sama vandamál blasir við valdaelítum annarra Asíulands, þær halda vart völdum lengi dragist framleiðsla fyrir vesturlandamarkað saman. Þannig að þessi hagkerfi munu framleiða á lager meðan hægt er og þar sem tæknivörur verða fljótt úreltar mun þeim sjálfsagt verða dömpað í stórum stíl með vorinu eða í sumar og verðið þar með gjörsamlega hrynja.

Þegar fjármálabólur springa og hjaðna fylgir því skiljanlega almennt verðhjöðnun enda búið að lána öllum plús hundinum fyrir öllum mögulegum og ómögulegum hlutum án tillits til þess hvort þeir hafa möguleika á að borga lánin. Yfirmettaðir markaðir þýða fallandi verð, það er engin leið framhjá því. Látið því ekki fjármálamaskínuna, verslunarmenn og pólitískar eignir þess svíkja inn á ykkur neinum verðbólguhugsunarhætti núna. Kaupið helst ekki nema með afslætti enda verður næsta ár ein allsherjar brunaútsala hjá gjaldþrota verslunum. Verðhjöðnun er nefnilega það allra síðasta sem skuldum drifin hagkerfi þurfa á að halda. Skuldabyrðirnar krefjast hás atvinnustigs og sífellt hækkandi launa og verðhjöðnunin drepur niður verðhækkanamöguleika fyrirtækja og þar með möguleika þeirra til að hækka laun og bæta við sig fólki. Síðan er svo til öll framleiðsla og iðnaður dautt fyrir löngu og landslýðurinn starfar að mestu við að þjóna undir rassgatið á næsta manni auk tröllvaxins ríkisbatterís og tilheyrandi skattpíningar. Slíkt kerfi hrynur geysilega fyrirsjáanlega eins og spilaborg þegar þegur kemur bakslag í seglin og tjónið verður því meira sem klikkaðra dót í æðstu stöðum hefur lengur afneitað þessum augljósu staðreyndum. Nú stendur þetta dót með allt niður um sig í fallít búi og situr enn við völd eins og ekkert hafi í skorist enda eiga þessi mannlegu gjöreyðingarvopn eftir að ljúka sínu ætlunarverki; gjöreyða þessu hagkerfi. Góðar stundir. 

Athugasemdir

[Baldur Fjölnisson, 21.12.2008 kl. 22:32]

Núna gildir því almennt að fresta innkaupum á öllu nema því nauðsynlegasta. Og alls ekki kaupa á afborgunum enda út í hött að stofna til skulda til að kaupa varning sem er fallandi í verði. Núna ber absólútt að safna reiðufé og bíða eftir kauptækifærum. Auk verðhjöðnunar í verslunarvöru liggur algjörlega fyrir að verð húsnæðis og bíla mun hrynja á næstu mánuðum, það getur ekki annað; kaupahliðin er fyrir löngu yfirfyllt og rúmlega það og þá kemur að seljendunum eins og alltaf á yfirkeyptum mörkuðum. Dauður markaður getur aðeins lifnað við með afslætti, verðfalli, það segir sig sjálft.

[Sveinn hinn Ungi (IP-tala skráð) 21.12.2008 kl. 23:31]

Gunnar Rögnvaldsson er búinn að  þýða spá SAXO bank  fyrir næsta ár.

SP vísitalan niður um 44% til viðbótar við núverandi fall sem er nálægt 40% á þessu ári. 

Olían niður í $25. Hrávörur niður um 30%.

Ég er persónulega á því að hlutabréfamarkaðurinn í Evrópu og Bandaríkjunum sé búinn að taka út megnið af sínu falli nú þegar, en það er greinilega allt til í þessu.

Líklegt er að Bretar lendi í miklum vandræðum.

[Baldur Fjölnisson, 22.12.2008 kl. 19:42]

Ég hugsa að Alcoa fari fyrst á hausinn af stóru málmbræðslunum enda er um 60% af bræðslu félagsins staðsett í BNA og það þolir því illa hækkandi dollar auk hrynjandi eftirspurnar eftir áli.