Fjárfestar hafa alls enga trú á leppum IMF og krónan hrynur því áfram hratt eftir gjaldeyrislagasetningu leppanna

Japanska jenið hækkar um 5% í dag og hefur hækkað um hátt í 200% frá áramótum og hækkað um 30% síðasta mánuðinn þrátt fyrir að krónan hafi ekki einu sinni verið á floti. Hún væri því nokkurn veginn á pari við skeinipappír ef verslun með hana væri frjáls. En lagasetning erlendra eigna hefur greinilega þau áhrif ein að gjöreyða enn frekar en ella trúverðugleika gjaldmiðilsins. Hrynjandi gjaldmiðill þýðir annars rýrnandi kaupmátt og í raun launalækkanir - nokkuð sem skuldum drifið hagkerfi þarf síst af öllu á að halda. Skuldarar með fallandi laun á gjaldþrota vinnumarkaði standa víst ekki lengi í skilum með sín lán. Síðan verður þetta keðjuverkun hrynjandi eignaverðs, við sjáum þegar fyrirboða þess þar sem fasteignaviðskipti eru nánast engin og sá markaður þarf trúlega að falla um amk. 50% til að kaupendur komi þar inn að einhverju marki. En það þýðir aftur að þegar fallít bankar og íbúðalánasjóður og ríkissjóður verða opinberlega gjaldþrota og ekki lengur hægt að draga fjöður yfir þá nöturlegu stöðu.