Hver er alltaf að hleypa hundunum út ?

Það er beðið eftir Godot, afsakið risalánum frá einhverjum vonarhálfvitum sem eiga að láta ruglustrumpa sem hér eru við völd hafa þúsund milljarða og helst áður en krónan hrynur um 98% í viðbót en síðan reyna helstu spekingar förgunarúrræðis íhaldsins norðan Arnarhóls allt hvað þeir geta til að gjöreyða enn frekar en orðið er trúverðugleika væntanlegs lántakanda. Það er að vísu erfitt því lítið er eftir en um er að ræða algjör keis á alvarlegu stigi eins og löngu er ljóst og því vekur furðu að þeim sé hleypt í opinbera umræðu, bæði hér heima og í bandar. fjölmiðlum. Hvað veldur þessarri sjálfstortímingaráráttu kerfisins? Í þágu hvaða hagsmuna vinna þessi keis? Hvað er eiginlega í gangi? Hvað þarf að koma til svo hægt sé að draga einhver bitastæð svör upp úr mafíunni sem hér er við völd?

Athugasemdir

[Georg P Sveinbjörnsson, 21.11.2008 kl. 00:39]

Hér hefur verið mafía í vasa heimselítunnar við völd síðan lýðveldið var stofnað, ef ekki þægir og þagmælskir-engir peningar, hvað ætli það séu margar þjóðir í heiminum sem eru ekki á vasa banka og auðhringjaelítunnar? Áttum við einhverntíman séns á einu spilltasta bóli heimsins þó að þorri þjóðarinar sé samt að mestu grandvart og heiðarlegt fólk, það er bara ekki fólkið sem sækir í völd af krafti yfirhöfuð því miður, Strengjabrúður og seppar auðvaldsins með nógu lága siðferðisvitund og stöku siðblindingjar elska að slást um að fá að fara á toppinn og leika með hákörlunum, þeir alsiðblindustu eiga erindi og stuðning til æðstu metorða svo lengi sem þeir gleymi ekki hverjir borguðu undir rassgatið á þeim alla leið. Æ á sér gjöf að gjalda is the name of the game í pólitíkinni sem endranær.

Mafían mun ekki láta neitt bitastætt frá sér, málin verða þæfð og möglið svæft hægfara með smáskammta aðferðum. Menn bíta ekki í höndina sem fæðir, hvorki mafían við sína bakhjarla né almenningur ef þeir þykjast vera að redda málum á besta hugsanlega hátt og draga leikmuni og tjöld sveittir fram og aftur. Fjölmiðlar spila með og rugga ekki bátnum um of, það er búið að setja þeim reglurnar á leynifundi. Þeir hlýða og bregðast heilagri skyldu sinni um alvöru fréttamennsku, eitthvað sem dó fyrir löngu hér á landi. Kompás ætti að snúa sér að yfirvöldum næst og egna gildrur ef einhver alvöru dugur er á þeim bæ. Fletta almennilega ofan af rotþrónni þó að fýlan verði geigvænleg. DV verður að gera miklu betur.

[Baldur Fjölnisson, 21.11.2008 kl. 14:03]

Amen.