Ríkisstjórnin hlýtur að gufa upp fyrir mánaðamótin

Fjöldinn á Austurvelli mun bara vaxa og verða sífellt betra myndefni fyrir erlenda fjölmiðla og innlendar ruslveitur munu neyðast til að færa fréttir af því. Þannig mun ríkisstjórnin fljótt skolast niður undan eigin innihaldslausu mjálmi. Þaðan er ekkert bitastætt að hafa. Þaðan er fólki aðeins boðið upp á óvissu og óljóst leynimakk við erlenda eigendur ráðamanna. Fólk lætur ekki bjóða sér slíkar trakteringar til lengdar. Gengi gjaldmiðilsins hrynur ásamt kaupmætti og verðgildi landsins og fólk einfaldlega getur ekki þolað að erlendar eignir eyðileggi þannig skipulega land og fólk í þágu sinna erlendu húsbænda.