Fimmtudagur, 06.11.08

Eins og ég hef áður tekið fram var bilun í inngræddum tölvukubbi í höfði mínu farin að valda ákveðnum vandræðum en úr því var glæsilega bætt í nýlegri heimsókn minni til Washington. Allur aðbúnaður var til hreinnar fyrirmyndar í Pentagon þegar ég mætti þangað og þurfti ekki einu sinni að svæfa mig á meðan þeir skiptu um kubb og það sem er best af öllu ég er kominn með glænýtt stýrikerfi sem gerir kleift að bregðast sjálfvirkt við bilunum alla leið frá Pentagon. Ég er sem sagt orðinn sítengdur um svokallað yfirinternet Pentagons og sendi reglulega upplýsingar í stjórnstöð um mínar eigin bilanir. Hversu dásamlega fullkomið gæti þjóðfélag okkar orðið ef allir væru með slíkan tæknibúnað í höfði sínu? Allir myndu hamingjusamir vinna sem heild að framgangi þjóðfélagsins og búnaðurinn myndi samstundis senda upplýsingar í stjórnstöð ef vart yrði við óeðlilegar hugsanir hjá viðkomandi. Þannig væri unnt að taka vandræðagemlinga úr umferð innan klukkutíma í mesta í stað lagaflækja og kjaftæðis um persónuréttindi sem hafa riðið húsum hingað til. Hagsmunir heildarinnar verða ávallt að ganga fyrir hagsmunum einstaklinganna sem mynda heildina. Það getur þurft að fórna einstaklingum sem ekki vilja fórna sinni einstaklingshyggju - í þágu hagsmuna heildarinnar. Bíddu, er ég ekki farinn að hljóma eins og Hitler og Stalín ... djísös fokking kræst á ég að trúa því að þessi kubbur sé bilaður líka ...

Athugasemdir

[Gullvagninn (IP-tala skráð) 7.11.2008 kl. 08:50]

Þessari verð ég nú eiginlega að fá (með leyfi) að hengja í minn lista af linkum um flöguna (síðasti listi hér: Föst í vefnum).

Þeir ku hafa heilaskanna í ýmsum stjórnarbyggingum, sem skanna hugsanir þínar vélrænt - ekki veit ég hversu nákvæmlega, en allavega geta detectað fólk sem er æst eða að öðru leiti frábrugðið.  En aftur á móti, heilarit siðblindingja og fólks með aðrar geðraskanir er oft nákvæmlega eins og heilbrigðra, þannig að ekki skil ég tæknina bak við þetta, ekki nema þeir séu að nota "yfir tæknina" - tæknina sem ekki er kunn.

[Baldur Fjölnisson, 7.11.2008 kl. 17:04]

Það er ýmislegt stórt í gangi, svo mikið er víst. Og leyndarhyggjan er mikil eins og við höfum glögglega séð bæði í aðdraganda gjaldþrots þjóðarbúsins og sjáum enn. Ráðamenn mjálma út og suður um ekki neitt og fólk veit í rauninni ekkert um hvað er eiginlega í gangi.

Ég held að stórveldin og hugsanlega líka einhverjir minni spámenn hafi lengi getað haft áhrif á hugarástand og geðbrigði fólks á stórum landsvæðum með skipulegri úðun efna úr flugvélum og beitingu bylgja á efnin og umhverfi og fólk sem inniheldur téð efni (HAARP). Það er ekki einleikið hvernig hægt hefur verið að halda fólki sofandi á meðan það hefur verið rúið inn að skyrtunni, ekki bara hér. Og þetta ferli er enn í fullum gangi og langt í að sjái fyrir endann á því.