Kóarafélag Zimbabwe, afsakið Íslands lýsir fullum stuðningi við alla samkóara sína

Vísir, 05. nóv. 2008 21:46

Stjórn VR lýsir yfir stuðningi við formanninn

Stefanía Magnúsdóttir varaformaður stjórnar VR.

Stefanía Magnúsdóttir varaformaður stjórnar VR segir að boðað hafi verið til stjórnarfundar í tilefni stöðu Gunnars Páls Pálssonar formanns félagsins nú í kvöld. Eins og fram hefur komið í fréttum undanfarið sat Gunnar í stjórn Kaupþings sem tók þá umdeildu ákvörðun að afskrifa skuldir starfsmanna vegna hlutabréfakaupa í bankanum. Stefanía segir stjórnina hafa lýst yfir stuðningi við formanninn á fundinum.

„Stjórnin lýsti yfir stuðningi við Gunnar en hann bað um nokkra daga til þess að hreinsa sig. Það var einnig ákveðið að það verður trúnaðarráðsfundur í næstu viku, eða eins fljótt og auðið er þar sem þetta verður rætt," segir Stefanía en það var trúnaðarráðsfundur sem mælti með því að Gunnar tæki sæti í stjórn Kaupþings á sínum tíma.

„Það var auðvitað umdeilt út af ýmsu og ekki síst vegna hárra kaupgreiðslna stjórnarmanna hjá Kaupþingi. Hann fékk hinsvegar yfirgnæfandi stuðning fundarins um að sitja í þessari stjórn," segir Stefanía.

Vísir birti fyrr í kvöld yfirlýsingu Gunnars Páls þar sem hann fer yfir málið og má sjá með þessari frétt.