Samráðsfundur samræmdrar lygamaskínu hefur farið furðu hljótt

DULARFULLUR RITSTJÓRAFUNDUR

Þorsteinn Pálsson fór á fund í HR.
Mánudagur 27. október 2008 kl 06:27

Höfundur: Ritstjórn DV ([e-mail])

Nánar um málið í DV í dag.

Aðstoðarmenn ráðherra boðuðu forsvarsmenn valinna fjölmiðla á fund í Háskóla Reykjavíkur á dögunum þegar óvissan var algjör í efnahagsmálum þjóðarinnar. Steingrímur Sigurgeirsson, aðstoðarmaður menntamálaráðherra, segir að ekki hafi verið um leynifund að ræða. Umræðuefni hans er engu að síðu leyndarmál. Verið að veita okkur upplýsingar um hvað sé í gangi, segir ritstjóri Morgunblaðsins.

„Þetta voru bara svona almennar samræður. Maður ræðir þetta við fullt af fólki og það er ekki vaninn að gefa upp hvað fer fram í slíkum samtölum,“ segir Steingrímur Sigurgeirsson, aðstoðarmaður menntamálaráðherra, spurður um fund sem hann auk annarra aðstoðarmanna ráðherra boðuðu valda forsvarsmenn fjölmiðla á í Háskóla Reykjavíkur á dögunum.

Aðstoðarmennirnir boðuðu þá Þorstein Pálsson, ritstjóra Fréttablaðsins, Ólaf Stephensen, ritstjóra Morgunblaðsins, og Pál Magnússon útvarpsstjóra á sinn fund. Steingrímur og Róbert Marshall, aðstoðarmaður samgönguráðherra, voru í það minnsta viðstaddir. Báðir eru þeir þaulreyndir fjölmiðlamenn.

http://www.dv.is/frettir/2008/10/27/dularfullur-ritstjorafundur/