Næstu þjóðagjaldþrot raða sér í biðröðina hjá IMF. Sennilega hálft ár eða svo í að Bretland, Ítalía og BNA bætist í hópinn

Vísir, 23. okt. 2008 07:17

Ungverjar sækjast eftir aðstoð IMF

Frá Budapest, höfuðborg Ungverjalands.

Ungverjaland hefur nú bæst í hóp ríkja sem sækjast eftir aðstoð frá Alþjóðagjaldeyrissjóðnum. Þar með eru löndin orðin fimm því fyrir eru Ísland, Úkraína, Pakistan og Hvíta-Rússland.

Engin niðurstaða er enn fengin í það með hvaða hætti sjóðurinn kemur til með að aðstoða okkur Íslendinga. Hér eru staddir sérfræðingar frá sjóðnum, einnig sendinefnd frá Bretlandi, sameiginleg sendinefnd frá Noregi og Svíþjóð og á morgun er væntanleg sendinefnd frá bandaríska fjármálaráðuneytinu.

Athugasemdir

[Ívar Pálsson, 23.10.2008 kl. 09:33]

Aðstoð IMF felst líkast til í því að stýra skuldauppgjöri þar sem við samþykkjum að greiða ákveðið hlutfall heildarskulda bankanna, ásamt því að tryggja hag sparifjáreigenda. En er þannig lausn ekki alltaf amk. 1 til 2000 milljarðar kr., ef bankarnir skulduðu amk 7000 ma. kr.?

[Sveinn hinn Ungi (IP-tala skráð) 23.10.2008 kl. 09:45]

Þá bara hörkum við þetta af okkur án hjálpar IMF. Er það ekki skárra?

[Baldur Fjölnisson, 23.10.2008 kl. 10:31]

Skrúfan snýst brjálæðislega hratt víða.

Nýtt fjárlagaár í BNA byrjaði 1. okt. sl. og síðan þá hafa skuldir ríkisins vaxið um litla 450 milljarða dollara (4-5%) sem samsvarar hátt í 20% af árstekjum sjóðsins ! Þannig að það er víðar hér sem menn eru í örvæntingu að reyna að halda algjörlega fallít batteríum einhvern veginn á floti. Og þar líkt og hér hangir þetta drasl orðið saman á litlu öðru en lyginni.