Vandinn með hálfvita og klikkhausa sem komast til mannaforráða hjá ríkinu er að þeir raða strumpum í stíl við sig sjálfa í embætti

Ég skil engan veginn hvernig á að vera hægt að reka heila amfetamínverksmiðju í viku að því gefnu að lögreglan fullnægi amk. lágmarkskröfum. Þetta er nanóþjóðfélag og lögregla með púls á að geta fattað einföldustu hluti ekki síst ef góðkunningjar hennar eiga í hlut. En lögreglumenn þurfa náttúrlega að fara úr húsi og það gengur ekki að um sé að ræða einhvers konar atvinnuleysisgeymslu fyrir kontórista þar sem einhverjar risaeðlur eru með gerviyfirmannastöður.

Kannski er ríkisapparatið eða amk. yfirstjórn þess ein allsherjar atvinnuleysisgeymsla þar sem þarf að skera fituna miskunnarlaust af toppnum og reyna að nýta það sem er stopp á framabrautinni undir einhverju dóti, sem stjórnmálamenn  í förgunarúrræðum hafa troðið þar inn. Það er allavega eitthvað mikið að víða. Fjármálaráðherrann er nautheimskur og dómsmálaráðherrann er teiknimyndafígúra og forsætisráðherrann gæti troðið upp með einlínunga með þokkalegri hárkollu og varalit en vart sé ég mikið merkilegri verkefni fyrir hann. Ekki að undra að allt sé komið á bullandi hausinn undir stjórn þessarra vitleysinga.