Svona útrýmum við fíkniefnabraski og afbrotum og skerum mjög mikla fitu af ríkinu í leiðinni

Flest afbrot eru líklega tengd fíkniefnum og braski með þau, sem fer að miklu leyti fram með reiðufé. Lausnin er því að afnema reiðufé (seðla og mynt) og banna notkun þess og gera skylt að framkvæma öll viðskipti með rafrænum hætti, með kortum, símum og þess háttar. Þetta hefur ótal augljósa kosti, sem ekki ætti að þurfa að telja alla upp en fullyrða má að fíkniefnabrask myndi gufa upp mjög fljótlega og þar með glæpir því tengdir. Einnig myndi þetta fyrirkomulag fljótlega útrýma svartri vinnu og þannig stuðla að jafnræði á markaði og hann verða skilvirkari, skattskil myndu stórbatna og almenn tiltrú á kerfið myndi batna. Allt er þetta afar þjóðhagslega hagkvæmt án efa.

Útrýmingu glæpa myndi síðan fljótt fylgja stórfelldur niðurskurður lögreglu, dómara og tröllaukinna vandamálabattería og atvinnuleysisgeymslna sem hafa í raun dafnað á glæpum og því ekki haft minnsta áhuga á að útrýma þeim heldur þvert á móti. Sparnaður skattgreiðenda yrði án efa gríðarlegur og kaupmáttarauki þeirra mikill og ekki mun af veita á næstunni svo mikið er víst. Hugsanir?