LIBOR (millibankavextir) í methæðum

Hækkandi LIBOR þýðir vaxandi vaxtakostnað á ýmis konar skuldasamninga alls að virði um 360 þúsund milljarða dollara (um sexfalda verga heimsframleiðslu) eða um 53 þúsund dollara á hvert mannsbarn í heiminum ! Og þetta er bara hluti ótrúlegra skuldafjallgarða sem hefur verið hróflað skipulega upp sérstaklega síðustu 1-2 áratugina og verið stórslys sem beið eftir að bresta á. Heimurinn er margyfirveðsettur.

Seðlabankar og ríkisstjórnir hafa fyrir löngu misst öll tök á þessarri fjármálaófreskju eins og ég hef margoft bent á hér á blogginu. Þannig hefur LIBOR þotið upp þrátt fyrir stöðugar stýrivaxtalækkanir seðlabanka heimsins og örvæntingarfullar fjármagnsinnspýtingar í fallít fjármálaspilaborgir. Hækkandi LIBOR í methæðum þýðir að lánamarkaðurinn reiknar með vaxandi áhættu og enn frekari gjaldþrotum stórbanka. 

Athugasemdir

[Baldur Fjölnisson, 10.10.2008 kl. 17:13]

Nokkur mjög svo nafntoguð gjaldþrot framundan (bara sem dæmi, miklu meira í pípunum):

Royal Bank of Scotland, ABN Amro, Goldman Sachs, Morgan Stanley, Merrill Lynch, American Insurance Group, Macquarie Group.