Lokun gjaldeyrismarkaðar í vændum?

Lítil viðskipti hafa verið með krónuna í gjaldeyrisviðskiptum í dag. Gengi krónunnar hefur fallið um tæp 3%. Krónan hefur verið í frjálsu falli undanfarna daga. Samkvæmt heimildum fréttastofu hefur sú hugmynd verið viðruð að Seðlabankinn stöðvi algerlega gjaldeyrisviðskipti með krónuna.

Þrálátur orðrómur hefur verið þess efnis en það hefur hins vegar ekki fengist staðfest. Úrvalsvísitalan hefur lækkað um tæp 6% í dag. Gengi Glitnis lækkaði um rúm 14% í dag, Exista lækkaði um tæp 14%, Spron lækkaði um rúmt 13,5%, Bakkavör um tæp 11%. Tvö félög hækkuðu í kauphöllinni, Eik Banki hækkaði um rúm 6% og Eimskip hækkaði um 0,5%.

http://ruv.is/heim/frettir/frett/store64/item229243/