Þjóðarnauðsyn að láta vistmenn, þríátta við Arnarhól, ekki sleppa með sitt bull í ruslveiturnar

Mér sýnist styttast óðfluga í að bæði Geir og Davíð fái reisupassann og sennilega verður dýralæknirinn rekinn við sama tækifæri. Þá þarf að senda Halldór Blöndal, formann bankaráðs seðlabankans, í viðeigandi vistun og raunar sparka allri yfirstjórn bankans eins og hún leggur sig.

Það er skelfilegt að láta þetta lið sleppa í ruslveiturnar eins menn hafa séð enda trúverðugleiki þess alls enginn og það verið á eilífum flótta úr einni dellunni í þá næstu síðustu misserin og verða án efa áfram. Þannig að nauðsynlegt er að láta það róa og verður það aldrei ofítrekað. Góðar stundir.

Athugasemdir

[Rúnar Sveinbjörnsson, 22.9.2008 kl. 17:52]

Væri ekki ráð að setja bankann á "skortsölu".  Allavega er mikill og bráður skortur á hugmyndum. Þá mætti bankamálaherrann fylgja með sem bónus eða vöndull enda óþarfur með öllu. 

Eini kapítalisminn sem gengur er pilsfaldakapítalisminn, þ.e. meðan einhver pilsfaldur er til að hlaupa undir.

[Baldur Fjölnisson, 22.9.2008 kl. 18:49]

Þessi nýlegi ráðgjafi Geirs var með einhvern fílabrandara um ástandið á fjármálakerfinu en Alex Jones lýsti þessu miklu betur og sagði að kerfið væri álíka og hundrað punda fló sem væri að reyna að lifa á fimmtíu punda hundi. Hér heima er löngu búið að lána öllum og hundinum líka fyrir öllum mögulegum og ómögulegum hlutum og metta húsnæðismarkaðinn fyrir næstu guð má vita hversu mörg ár og þar sem kapítalisminn (skuldaisminn) gengur jú fyrir kapítali (skuldum) er voðinn vís þegar skuldaframleiðslan hægir á sér eða jafnvel stöðvast. Það er eins og aðrir keðjubréfafaraldrar.

Það er náttúrlega full seint að koma með hugmyndir þegar dallurinn er um það bil að sigla í strand og menn búnir að segja allan tímann að allt sé í lagi og góðum gír og að minnsta kosti tíu mílur væru í land.  En þá þarf að setja mennina í brúnni af og setja þá í viðeigandi rannsókn. 

Landinu hefur verið stolið í rólegheitunum á síðustu 5-10 árum og það flutt út. Við höfum tapað okkar efnahagslega sjálfstæði og það hefur gerst án teljandi umræðu enda erlendar eignir verið hér við völd allan tímann og raunar frá því ég man fyrst eftir mér.