250 íbúðir gufuðu upp í gengisfalli

Tvöhundruð og fimmtíu þriggja herbergja íbúðir gufuðu upp í gengisfalli dagsins þegar erlendar skuldir heimilanna jukust um fimm milljarða. Gengi krónunnar lækkaði um tvö prósent í dag og er nú í sögulegu lágmarki.

Bandaríkjadalur kostar nú 94 og fimmtíu samkvæmt vef kaupþings, Evran tæpar 134 og dönsk króna er komin í næstum átján krónur. Erlendar skuldir heimilanna námu 245 milljörðum króna í morgun. Nú síðdegis nema þær 250 milljörðum. Munurinn gæti numið andvirði um 250 þriggja herbergja íbúða í Reykjavík.

Edda Rós Karlsdóttir, forstöðumaður Greiningardeildar Landsbankans, segir engar nýjar fréttir héðan skýra lækkandi gengi. Greining Glitnis segir í nýrri þjóðhagsspá að gengið styrkist ekki fyrr en ástandið batni á alþjóðlegum mörkuðum. Gengislækkunin nú kunni þó að vera yfirskot.

Markaðurinn, 17. sep. 2008 18:51

 

Athugasemdir

[DoctorE (IP-tala skráð) 17.9.2008 kl. 20:17]

En en Geir er búinn að segja að ,,,, ;)

[Baldur Fjölnisson, 17.9.2008 kl. 20:39]

Einu sinni var bullið í Steingrími Hermannssyni, fyrirrennara Geirs, stórfellt efnahagsvandamál og sagan virðist hafa verið að endurtaka sig að því leyti. Steingrími var síðan haldið sofandi í seðlabankanum. Nú, Dabbi kórónaði sinn ruglanda með því að flytja skýrslu Bush um utanríkismál fyrir tómum sal á álþingi og var því fljótlega sturtað niður í seðlabanka líka. Nú, manni sýnist Geir vera að keppa markvisst að því að bulla sig út úr pólitík og ætli hann skolist því ekki bráðlega niður þarna sunnan við hólinn og komi upp hinumegin.