Ósvífinn glæpalýður sem ætti að vera fyrir stríðsglæpadómstóli vegna þáttöku í stríðum á upplognum forsendum ætti ekki að glamra mikið

Erlent | AP | 12.8.2008 | 14:53

NATO fordæmir óhóflega valdbeitingu

 Jaap de Hoop Scheffer, framkvæmdastjóri NATO, sagði að sendiherrar NATO-ríkjanna hefðu á fundi í dag fordæmt óhóflega valdbeitingu Rússa í Georgíu. Bandaríkjastjórn er að undirbúa að veita Georgíu efnahagsaðstoð til að tryggja stöðugleika stöðugleika í landinu í kjölfar átaka Georgíumanna og Rússa. AFP fréttastofan hefur þetta eftir háttsettum bandarískum embættismanni.

Georgíustjórn óskaði í dag eftir hernaðaraðstoð frá NATO, einkum við að skipta um ratsjárkerfi, sem eyðilagðist í árásum Rússa.   

De Hoop Scheffer sagði, að yfirlýsing Dimitrís Medvedevs, forseta Rússlands, um að aðgerðir Rússa hefðu verið stöðvaðar, væri mikilvæg en dygði ekki til. Sagði Scheffer, að allir aðilar yrðu að draga heri sína til baka til staða þar sem þeir voru áður en átökin í Suður-Ossetíu hófust 6. ágúst.

Hann undirstrikaði, að NATO liti svo á, að þetta þýddi að virða ætti landamæri Georgíu en bæði Suður-Ossetía og Abkhasía eru innan þeirra.

Georgíustjórn sagði í dag, að hersveitir landsins hefðu í dag farið frá Kodorigljúfri í Abkhasíu, eina svæðinu sem herinn réði í því héraði. Fyrr í dag sást til rússneskra skriðdrekasveita stefna þangað.