Lygavaðallinn virkar ekki lengur og jafnvel Árni Mathiesen skilur það orðið, sbr. Bloomberg

Trúgirnismarkaðurinn með skuldleysi íslenska ríkisins sprakk endanlega í loft upp fyrir um tveimur mánuðum og raðlygarar hér og þar hafa síðan snúið sér að öðrum lygum enda lygasýkin þeim alveg samgróin eins og hugmyndafræði og viðhorf sem þeir hafa frá erlendum raðlygurum. Það er nú kannski að bera í bakkafullan lækinn að nefna þetta í 90sta skipti síðasta árið hérna á blogginu.

Íslenska ríkið er algjörlega fallít. Seðlabankinn er brandari sem þarf að leggja niður og setja í skúffu í Landsbankanum hvaðan þessi heiladauða en ofvaxna ófreskja kom upphaflega. Við höfum misst efnahagslegt sjálfstæði okkar. Vandræðavæl Geirs og Árna og útburðarvæl einhverra hornsíla íhaldsins á borð við Illuga og Bjarna Ben., að ekki sé minnst á míkróspekinga hérna á blogginu - ber afskaplega glöggt merki um þetta. 

Þetta er sama gamla dæmið og algjörlega klassískt. Ríkjum er hleypt í skuldir og þægir tómhausar fjármagnaðir til valda og stýrður auglýsingaruslpóstur (sem enginn heilvita maður kallar lengur því hátíðlega nafni fjölmiðla) vinnur með.  Og síðan er draslið hirt fyrir slikk þegar það er farið á hausinn og orðið hægt að keyra Landcruiser um afturendann á öllum þessu erlendu eignum og leppum. Þannig er það nú bræður og systur og mun verða enn augljósara eftir því sem fram líða stundir. Lifið heil.