Foringinn er með hagfræðigráðu úr kornflekspakka í boði repúblanísk-íslenska ruglustrupafélagsins.

Hann hefur aldrei sýnt minnsta skilning á hagfræði utan að hann sagði nýlega að það að gera ekkert væri líka ákveðin efnahagsaðgerð. Er það ekki djúpt. Nú, hann sagði uppfyllingarefni íhaldsins að kjósa Pétur Blöndal sem formann efnahagsnefndar álþingis og Pétur segir að bestu stjórnmálamennirnir geri ekki neitt sem er alveg í takt við foringjann og þar með uppfyllingarefnið. Nú, sami foringi fann út að Halldór Blöndal væri rétti maðurinn til að vera formaður bankaráðs seðlabankans og uppfyllingarefnið kaus hann í þá stöðu. Davíð, fyrrverandi foringi, tilkynnti opinberlega að hann hefði verið "vitlausasti maðurinn á staðnum" þarna í seðlabankanum þegar hann skipaði sjálfan sig þar inn og uppfyllingarefnið var hæstánægt með það. Þar sem bæði heimska og heilaskemmdir eru ólæknandi er nokkuð síðan helstu ruslveitur landsins hafa kallað þessa jólasveina Davíð og Halldór í viðtal og kornflekshagfræði foringjans heyrist ei meir. 

Þegar maður skilur að það er beinlínis dyggð frá hugmyndafræðilegu tilliti (sem er apað frá erlendum síkópötum) að gera ekki neitt þá skilur maður betur núverandi stöðu nema það er skrítið að uppfyllingarefnið skuli fyrst núna vera að fatta að einhver "mistök" hafi verið gerð. Maður hélt að þessar frjálshyggjumoldvörpur hefðu amk. lágmarks veruleikaskynjun en svo virðist ekki vera. Ef þú ert með fyrirtæki og ræður til starfa fólk sem er með hugmyndafræði sem byggist á því að gera sem minnst og helst ekki neitt (utan að maka eigin krók) eins og Pétur Blöndal- þýðir þá eitthvað að þykjast koma af fjöllum þegar batteríið rúllar á hausinn?