Er eitthvað að marka opinbera hagtalnahönnuði ríkisins ?

Allt í einu finna þeir út að atvinnuleysið sé 3.1% en samt hafa ruslveitur og pólitíkusar haldið því fram síðasta árið að það sé aðeins 1%. Ég tel víst að margir hér hafi tekið eftir þessu.

Skv. The Economist frá 5/7 var það 1% á fyrsta ársfjórðungi 2008 og að sjálfsögðu hafa þeir það frá hérlendum opinberum hagtalnahönnuðum.

Er kannski verið að endurskilgreina hugtakið atvinnuleysi? Æfingarnar við að reikna niður verðbólgu eru ævintýralegar. Hagtölur eru hápólitískt málefni eins og gefur að skilja og mikið í húfi að leiktjöldin séu sannfærandi.

Athugasemdir

[Baldur Fjölnisson, 16.7.2008 kl. 14:24]

Innlent | fös. 11.7.2008

Atvinnuleysi mælist 1,1% í júní Skráð atvinnuleysi í júní 2008 var 1,1% eða að meðaltali 1.842 manns, sem eru 103 fleiri en í maí sl. eða um 6% aukning. Atvinnuleysi var 1% á sama tíma í fyrra.Atvinnuleysi jókst á höfuðborgarsvæðinu um 18% í júní en minnkaði á landsbyggðinni um 7% .Atvinnuleysi kvenna jókst meira en meðal karla á höfuðborgarsvæðinu en minnkaði meðal kvenna á landsbyggðinni, svo og meðal karla þar.....

mbl.is

[Baldur Fjölnisson, 16.7.2008 kl. 14:26]

Viðskipti | mið. 11.6.2008

Atvinnuleysi mældist 1% í maí

Skráð atvinnuleysi í maí var 1% og voru þá að jafnaði 1739 manns á atvinnuleysisskrá, sem eru 22 fleiri en í apríl sl. Atvinnuleysishlutfallið var óbreytt frá því í apríl en í maí í fyrra var atvinnuleysið 1,1%. Vinnumálastofnun býst við auknu atvinnuleysi í júní og að það verði á bilinu 1-1,3%. Samkvæmt tölum á vef stofnunarinnar voru 2223 skráðir atvinnulausir í dag.

Meira

[Baldur Fjölnisson, 16.7.2008 kl. 14:28]

Viðskipti | þri. 13.5.2008

Atvinnuleysi mældist 1% í apríl

Skráð atvinnuleysi í apríl 2008 var 1% eða að meðaltali 1.717 manns, sem eru 43 fleiri en í mars sl. eða rúmlega 2% aukning. Atvinnuleysi er um 8% minna en á sama tíma fyrir ári þegar það var 1,1%. Í nýrri skýrslu Vinnumálastofnunar kemur fram að útlit sé fyrir að atvinnuleysi muni lítið breytast í maí og verða á bilinu 1-1,2%.

Meira

[Baldur Fjölnisson, 16.7.2008 kl. 14:35]

Og svo framvegis.

Hvaða sofandi sauður þarna í ríkisstjórninni er aftur yfir hagtalnahönnun ríkisins?