Undirmálsforsætisráðherra í krónískri varnarstöðu - Stöð 2 með þarfa umfjöllun

 Vísir, 09. júl. 2008 19:03

Almannatengill segir Geir eiga að vera jákvæðari

Geir Haarde - ekki alltaf brosmildur.

Horfa á myndskeið með frétt

Geir H. Haarde forsætisráðherra hefur ítrekað birst landsmönnum sem önugur að undanförnu. Sjálfstæðismaðurinn og almannatengillinn Ólafur Hauksson ráðleggur honum að breyta hegðun sinni gagnvart fréttamönnum.

Stöð 2 birti í kvöld nokkur dæmi um hvernig Geir hefur brugðist við fyrirspurnum fréttamanna, svo sem í vetur þegar reynt var að spyrja um stöðu Vilhjálms Þ. Vilhjálmssonar; þegar spurt var um aðgerðir Seðlabankans; þegar spurt var um fréttatilkynningu Downingsstrætis 10, sem misskildi fund Geirs og Gordons Brown og breytti fréttatilkynningu eftirá; og loks hið fræga svar þegar Sindri Sindrason spurði um efnahagsaðgerðir, og var sagður dónalegur.

"Geir er yfirleitt mjög glaðlyndur maður og það er ekki honum líkt að vera svona önugur. Fréttamenn eru ekki of aðgangsharðir. Þeir eiga að ganga hart fram og það er hans að bregðast rétt við því," sagði Ólafur.

Athugasemdir

[eysi, 9.7.2008 kl. 22:11]

kannski gat hann ekki svarað jákvætt eða allt er að fara til helvítis

[Baldur Fjölnisson, 10.7.2008 kl. 15:37]

Geir hefur takmarkaða burði í að vera forsætisráðherra og ekki síst vegna þess að hann er ekki mjög sannfærandi lygari. Það var ekkert meiningin að hann yrði forsætisráðherra. Hann var þægilegt nóbodý, traust skrifstofustjóratýpa, sem var heppilegur samanburður við Davíð. Á sama hátt virðist Geir hálfpartinn meika sens þegar hann er borinn saman við Þorgerði Katrínu. Ég man nú ekki einu sinni hvaða heilaþvegni páfagaukur er varaformaður Samfylkingarinnar og nenni engan veginn að fletta því upp en vona að þið skiljið hvað ég á við.

Ef við skoðum grannt "leiðtoga" vesturlanda sl. segjum 20-30 ár þá sjáum við fljótt að þróunin hefur í síauknum mæli beinst að ákveðinni manngerð - einhvers konar innhverfum skissófrenum - möo sjálfvirkum lygamaskínum sem trúa jafnvel fullt og fast eigin lygum. Þessi tegund sækóa getur líka logið út svo til hvað sem er í viðskiptum og sölumennsku og er því eftirsótt á bílasölum, verðbréfafyrirtækjum osfrv. En Geir er greinilegt frávik frá þessarri leiðtogahönnun og það bendir til þess að hann sé þar sem hann er fyrir einskæra slysni.