Blankur lánveitandi til þrautarvara þarf að setja sig endanlega á hausinn til að bjarga öðrum

• Frétt af mbl.is

  Enginn ágreiningur um að auka þurfi gjaldeyrisforðann

Viðskipti | mbl.is | 15.4.2008 | 13:43
Ingibjörg Sólrún Gísladóttir, utanríkisráðherra, sagði á Alþingi í dag að enginn ágreiningur sé milli ríkisstjórnarflokkanna eða ríkisstjórnar og Seðlabanka um að auka þurfi gjaldeyrisvaraforðann. Sagði Ingibjörg Sólrún mikilvægt, að bankarnir geti, ef þörf krefur, leitað eftir lausafé til Seðlabankans, sem eigi að vera lánveitandi til þrautavara.
Lesa meira

-------------------------------------------------------------------

Þegar hagfræðingar byrja að tala um kreppu má fastlega gera ráð fyrir að hún hafi byrjað fyrir amk. 6-9 mánuðum. Þetta eru dæmigerðir laggandi hagvísar. Eins er það með stjórnendur efnahags- peningamála, þegar loks þeir neyðast til að byrja að ræða skort á gjaldeyrisforða og risaholur í þjóðarbúskapnum þá er nær öruggt að búið, sem fótósjopp og auglýsingaruslpóstur komu þeim í að stjórna, er fyrir löngu í raun fallít.

Þetta eru hroðalegar fjárhæðir sem um er að tefla og því eru þær skiljanlega ekki ræddar opinberlega heldur bara talað almennt um hlutina. Einhverjir spekingar í kringum Geir sögðu honum að það væri nóg að hræða birnina

og þá væri málið leyst. En það þarf reyndar miklu meira til og þá fyrst og fremst mikinn fjárhagslegan styrk. Sem engan veginn er til að dreifa hjá ríkissjóði og seðlabanka. Það nægir ekki að hver lygalaupurinn éti upp úr öðrum að ríkissjóður sé skuldlaus eða nánast skuldlaus það er bara ekki þannig. Staða hans gagnvart útlöndum var um áramótin neikvæð um 243 milljarða skv. upplýsingum seðlabankans og varla er hann skuldlaus innanlands heldur. Lygar og blekkingar bjarga engu en skemma bara og rústa trúverðugleika kerfisins. Og það er björnunum greinilega í hag. Sem betur virðist hafa verið límt fyrir kjaftinn á forsætisráðherranum og fjármálaráðherranum og yfirstjórn seðlabankans er áreiðanlega komin á nýjan lyfjakúr en þá tekur ekki betra við þegar Pétri Blöndal er sleppt lausum. Það er víst ekki úr mjög miklu að spila hjá íhaldinu núna á árinu 2008 þegar þingflokkurinn er fullur af jábræðrum félaga Davíðs og Geirs.

Enginn ágreiningur um að auka þurfi gjaldeyrisforðann

Athugasemdir

[Baldur Fjölnisson, 15.4.2008 kl. 21:41]

Einfeldningslegt frasakjaftæði dugar ekki. Meira þarf til. Ingibjörg Sólrún veit það vel.

Þetta er dauðadæmt kallakerfi. Kvenfólk sem vill kóa með því neyðist til að gera sig að einhvers konar kallkellingum. Afleiðingarnar eru hroðalegar. Fólk er ekkert eins. Því er ekkert ætlað af náttúrunnar hendi að vera eins. Náttúran byggist á fjölbreytni og samspili. Það á að tryggja að hún komist af. Númer eitt er að verða ekki útdauða. Það er byggt í genin. Þess vegna sér maður þó enn skynsemisvott frá kvenfólki í þessu geðveikislega kerfi og að Ingibjörg Sólrún lýgur ekki jafn vel og kallarnir sem hún vinnur með. Henni er það ekki eðlislægt.

[Haraldur Haraldsson, 15.4.2008 kl. 22:55]

Góður pistill og sannur mjög/Halli gamli

[Baldur Fjölnisson, 16.4.2008 kl. 11:05]

Erlend lántaka er víst eina leiðin. Hér er krónískur og endalaus viðskiptahalli gagnvart útlöndum þannig að ekki kemur forðinn þaðan.

[haraldurhar, 17.4.2008 kl. 00:33]

   Hvað hefur þú fyrir þér í að Geir og Davíð séu vinir?   Þvert á mót álít ég að Davíð hafi unnið á móti Geir, og ekki síst með stuðningi Mbl.

[Baldur Fjölnisson, 17.4.2008 kl. 17:38]

Ég veit ekki hvort þeir eru vinir eða ekki en eitt er víst að Geir er þarna fyrir atbeina Davíðs.

Með Geir sem varaformann leit Davíð býsna vel út en síðan skall á krónískt taugaáfall hægrimennskunnar eftir aldamótin (repúblikani í forsetastóli í BNA hefur sögulega og samkv. hefð verið andlegur og hugmyndafræðilegur leiðtogi sjálfstæðismanna - sem kunnugt er) og hugmyndafræðilegt og siðferðilegt skipbrot hennar og eftir að Davíð flutti skýrslu Bush um utanríkismál á álþingi vorið 2005 fengu jafnvel hans eigin flokksmenn nóg og sá sem etv. átti aldrei að vera meira en varaskeifa varð þá numero uno. Og hann veldur því tæplega.

[Gullvagninn (IP-tala skráð) 18.4.2008 kl. 11:27]

skil ekkert í þessu kjaftæði (ég sko) - það er krónískur viðskiptahalli, og það sem er flutt út er að hluta til í eigu alþjóðlegra auðhringja (sem flytja þá út á kostnaðarverði og taka hagnaðinn væntanlega inn í skattaparadísum, ekki kemur mikið inn á því?),

samt er ríkissjóður að sögn skuldlaus... sem hlýtur að þýða að þeir hafa greitt niður skuldir, því einu sinni var mikil erlend skuldagrýla í fjölmiðlum...

...ehhh... was happenin..??

ef þeir gátu greitt niður skuldir, þá hefðu þeir líka getað átt gjaldeyri (með því að eyða minna eða greiða minna niður), ekki rétt??

[Baldur Fjölnisson, 18.4.2008 kl. 13:54]

Erlendar skuldir

Erlend staða þjóðarbúsins

Erlend staða Seðlabankans

[Baldur Fjölnisson, 18.4.2008 kl. 14:14]

OFF TOPIC, Hr. Gullvagn, þú ert áhugamaður um merki og tákn ...

hvað segirðu um nýtt lógó Tækniskólans, sem áður var Iðnskólinn, er þetta ekki bara stílfærður íhaldsfálki?