Hafðu engar áhyggjur vinurinn, sagði mýflugan við fílinn, ég skal styðja þig og þá er engin hætta á að þú dettir

Frétt af mbl.is

  Stjórnvöld styðja bankana

Viðskipti | mbl.is | 14.4.2008 | 10:01
Ingibjörg Sólrún Gísladóttir, utanríkisráðherra, segir í viðtali við danska blaðið Berlingske, að íslensku bankarnir geti allir reitt sig á stuðning frá íslenskum stjórnvöldum lendi þeir í erfiðleikum. Þann stuðning væri hægt að sækja bæði í ríkissjóð og gjaldeyrisvarasjóð Seðlabankans.
Lesa meira

-------------------------------------------

Stjórnvöld styðja bankana

Athugasemdir

[Gestur Guðjónsson, 14.4.2008 kl. 17:11]

Hún er greinilega óvön að eiga við faglega fjölmiðla sem gera henni þann grikk að athuga hvort innistæða er fyrir þeim yfirlýsingum sem hún gefur, eins og Geir H Haarde flaskaði illilega á um daginn varðandi samtryggingu norrænu seðlabankanna

[Baldur Fjölnisson, 14.4.2008 kl. 18:29]

Staðan er mjög vond Gestur og þau gera illt verra með þessu vanhugsaða hæpi - sem vafalaust er uppkokkað af einhverjum heldur treggáfuðum ráðgjöfum þeirra. Núna er okkar eina von ef við viljum hindra hrun krónunnar að reyna að líma jöklabréfaeigendurna við okkur, það er fá þá til að festa skammtímafé sitt hér til langs tíma helst með því að fá þá til þess að breyta inneignum sínum í einhvers konar hlutafé í landinu og gæðum þess og auðlindum. Ísland HF, hvernig hljómar það, nær væri fyrir þetta hugmyndasnauða og innihaldslausa stjórnarlið að leita einhverra slíkra leiða. Aldrei bjóst ég við því en þetta hefur verið svo eymdarlegt að maður er eiginlega farinn að sakna Framsóknar úr stjórninni.

[Baldur Fjölnisson, 14.4.2008 kl. 19:58]

Það lýgur hver trúgjarn aulinn upp í annan og þannig verður til einhver þjóðsaga um að ríkissjóður sé "nánast skuldlaus". Þannig sagði Pétur Blöndal blákalt í kastljósinu áðan að ríkissjóður væri alveg skuldlaus og fréttamaðurinn hafði ekki frekar en aðrir nennt að kanna hvort einhver fótur væri raunverulega fyrir þessu. Það er um að gera að hjakka sem oftast á lyginni, sagði Göbbels, en hér Erlend staða þjóðarbúsins kemur greinilega fram að staða ríkissjóðs gagnvart útlöndum var neikvæð um 243 milljarða um síðustu áramót og fastlega má búast við þegar innlendum skuldum hans er bætt við, að heildaskuldir hans séu amk. 300 milljarðar eða um 75% af árlegum tekjum hans. Hvernig hann á að geta slegið hundruði milljarða án þess að lánshæfi hans hrynji og skuldatryggingaálagið fari upp úr skýjunum er mér hulið og varla eru miklar líkur á að það verði mikið rætt opinberlega.