Kauptækifæri í Decode ? Gengið í sögulegum botni

Fréttablaðið, 29. mar. 2008 06:00

Gengi í Decode aldrei lægra

Kári Stefánsson Forstjóri Íslenskrar erfðagreiningar.

Gengi hlutabréfa í Decode var 1,56 dollarar á hlut við lokun markaða í gær. Lokagengi bréfanna hefur aldrei verið lægra frá skráningu félagsins í Nasdaq-kauphöllina. Í gær náði gengi hlutabréfa félagsins einnig metlægðum innan dags þegar það fór niður í 1,52 um tíma.

Hlutabréf í Decode munu hafa verið seld á allt að 65 dollara á hlut á gráum markaði fyrir skráninguna á Nasdaq í júlí 2000. Eftir að viðskipti hófust með bréfin á Nasdaq fór gengið þar hæst í um 29 dali á hlut. Það var í september 2000. Gengi Decode-bréfanna var 3,84 í upphafi þessa árs.