Fjármálakrísan: Nánast öruggt að Federal Reserve lækki nú stýrivexti um 100 punkta

Þeir fara þá úr 3% í 2%, sem er hlutfallslega mjög stór hreyfing. FR hefur ekki lækkað vexti um heilt prósentustig síðan á níunda áratugnum og þá voru stýrivextir miklu hærri en nú.

Þetta sýnir mikla örvæntingu en hvað geta þeir gert? Þeir eru eiginlega þvingaðir til að sýna að þeir séu í paník og verða að láta eins og þeir hafi einhver teljandi áhrif á tröllvaxið fjármálakerfi sem enginn ræður í rauninni við lengur hvorki ríkisstórnir né seðlabankar og varla stjórnendur þessa kerfis heldur.

Athugasemdir

[Baldur Fjölnisson, 18.3.2008 kl. 17:31]

Spyrðu bara eins og þig lystir, Hr. Ólafur.

Bandaríska hagkerfið er það langstærsta í heiminum og stendur fyrir um fjórðungi af vergri heimsframleiðslu. Þetta kerfi er aðallega drifið af einkaneyslu (yfir 70% af VÞF), skuldapappíraframleiðslu og gríðarlegum og krónískum ríkissjóðshalla. Þetta er sem sagt einn hroðalegur skuldahaugur. Slíkt kerfi er afar viðkvæmt fyrir efnahagssamdrætti og samdrætti í atvinnu eins og gefur að skilja. Þeir sem eru skuldir hlaðnir þurfa síst af öllu á því að halda að missa vinnu og tekjur. 

Seðlabankinn velur því að reyna að halda skuldaframleiðslumaskínunni gangandi með því að lækka vexti og fórnar dollaranum á móti. Reyndar er viðskiptahalli BNA gígantískur (þeir flytja enn inn 50% meira í dollurum talið en þeir flytja út, þrátt fyrir hrun dollars) og nauðsynlegt að reyna að draga hann saman með fallandi gengi. Nú og síðan afskrifa þeir gríðarlegar erlendar skuldir með gengisfallinu. Að vísu minnkar áhugi erlendra aðila á að fjármagna þetta fallít batterí eftir því sem inneignir þeirra falla í verði en eins og ég sagði þetta er langstærsta hagkerfi heimsins og neytendur þess hafa vissulega skapað mikla vinnu og batnandi lífskjör í Asíu. Það skapar mikinn hvata fyrir td. kínversk stjórnvöld sem sitja með grilljónir í bandar. skuldapappírum. Samdráttur og atvinnumissir í asískum hagkerfum gæti fljótt leitt til hættulegs félagslegs óróa. Sama er raunar um BNA að segja, auk þess sem hver kjaftur og hundurinn líka er við alvæpni sem kunnugt er. Það ríður því á öllu að halda batteríinu einhvern veginn gangandi, fjöldaatvinnuleysi væri stórhættuleg staða. 

[Baldur Fjölnisson, 18.3.2008 kl. 18:19]

Það voru þá 75 punktar og nú hafa þeir lækkað stýrivextina úr 5,25% í 2,25% síðan í haust sem leið. Trúlega eru vextirnir á leið í 1% eða jafnvel 0,5% og þeir með þessu að skapa sér möguleika á að dreifa lækkuninni yfir heldur lengra tímabil en ella.