Hver hleypti hundunum út ?

Okkar helstu snillingar, sem fótósjopp og auglýsingar í ruslpósti komu inn á þing og í ríkisstjórn, hafa farið mikinn undanfarið við að kjafta upp krónuna og bankana og árangurinn var og er fyrirsjáanlegur -  hrun krónunnar herðir á sér. Menn hafa nú svo sem séð bílasala í aksjón áður þarna í London og NYC. Hvar er viðskiptaráðherrann? Er hann kannski farinn að vinna á bílasölu Guðfinns? Hvar eru grautarhausarnir sem kálhausar á Alþingi settu í stjórn Seðlabankans? Hvers vegna eru td. Halldór Blöndal og Davíð Oddsson ekki í kastljósinu? Hvað ætla þeir að gera? Til hvers eru þeir þarna á ofurlaunum? Ætla þeir að lækka vexti eða hækka? Hvar er ruslpósturinn (sem eitt sinn kallaðist fjölmiðlar)? Ætti hann ekki að vera að krefja þessa aðila svara?

Athugasemdir

[Baldur Fjölnisson, 6.3.2008 kl. 20:59]

Meira að segja bandar. skeinipappírinn sem er í frjálsu falli hækkar gegn krónunni. Halló? Er ekki kominn tími til að tala með tveimur hrútshornum við allt þetta puntulið sem hefur sett sjálft sig í vistun og hefur síðan skipulega útrýmt trúverðugleika Seðlabankans, gjaldmiðilsins, ríkissjóðs. Fallandi gjaldmiðill þýðir að fjármagn er á flótta úr honum. Undan hverju? Gæti það verið gjaldþrota efnahags- og peningamálastjórn?

[Sveinn hinn Ungi (IP-tala skráð) 6.3.2008 kl. 22:06]

Það er vandlifað, sérstaklega ef maður er Íslenskur meðalmaður (=fátæklingur).

Menn keppast við að taka út kaupmáttinn fyrirfram (=láta útbúa á sig skuldapappíra og hengja á steypukassann sinn). Þegar engin vísitölulán er að hafa þá er rokið í gengistryggðu lánin. Yrði ekki hissa á að krónan falli um yfir 30% um leið og þeir fara að hreyfa við vöxtunum niðurávið.  Gengistryggðu lánin eru ekki jafngreiðslulán, sem þýðir að þunginn er mun meiri til að byrja með og svo bætist gengisfall við sem þyngir dæmið enn meir.

Þetta vita þeir svosem, og eru alveg fastir í sjálfheldu.

Allir kostir eru slæmir í vaxtamálum eins og staðan er.

[Baldur Fjölnisson, 7.3.2008 kl. 08:52]

Japanska jenið hefur hækkað um 25% síðan Dabbi og Blöndalinn hækkuðu vexti í byrjun nóvember og evran hefur hækkað um 20%. Meira að segja dollarinn hefur hækkað um 13%. Kannski telja lántakendur í erl. mynt að þetta muni snúast við bráðlega enda eru þeir orðnir vanir rússíbanareið krónunnar upp og niður síðustu árin. En jenið td. á geysimikið inni. Það var í sögulegum botni gegn krónunni sl. sumar (0,48) stefnir núna í að taka út toppa frá 2003 og 2006 (um 0,70). Síðan er það toppurinn frá 2001 sem var um 0,90. Ráðlegging mín er sem fyrr að vera með smá spekúlasjónapening í að selja banka og kaupa jen. Það hefur virkað  alveg prýðilega síðan í haust og á sem sagt enn töluvert inni tel ég. Góðar stundir.