Kaupa jen - selja vestræna banka = verður áfram einföld og 100% örugg spekúlasjón

Frétt af mbl.is

  Bankarnir hægi á í útþenslunni

Viðskipti | mbl.is | 2.3.2008 | 22:22

Geir H. Haarde, forsætisráðherra, segir í viðtali við Financial Times að bankarnir hafi verið ágengir í útþenslunni og kannski sé kominn tími til að þeir athugi sinn gang og hægi á. Með það að leiðarljósi að róa alþjóðlega fjárfesta og slá á þær áhyggjur sem eru uppi um efnahagsástandið á Íslandi.
Lesa meira

-------------------------------------------------------------------

Jenið hefur verið rosalega yfirselt enda grundvöllur hins illræmda "carry trade" þar sem vestrænir bankar hafa sótt sér fjármagn á afar lágum vöxtum til Japan og endurlánað á vesturlöndum. Þetta var afar gott dæmi sérstaklega á meðan jenið lækkaði en það hefur verið að snúast við. Söluþrýstingur á jenið hefur verið gífurlegur og má búast við miklum hækkunum á því þegar undan lætur - með fyrirsjáanlegum afleiðingum fyrir vestræna banka og fjármálastofnanir.

Bankarnir hægi á í útþenslunni

Athugasemdir

[Ívar Pálsson, 3.3.2008 kl. 10:05]

Rétt, Baldur, nú fer jenið upp og Carry Trade minnkar hratt. Tapið vegna lausafjárkreppunar er talið vera um USD 600 milljarðar. Áhættan við það að stunda vaxtamunarverslun við banka með 7% skuldatryggingarálag ásamt óstöðugum gjaldeyri er of mikil fyrir flesta.

[Baldur Fjölnisson, 3.3.2008 kl. 11:13]

Fyrir tveimur mánuðum var þetta tap talið verða 100-150 milljarðar dollara, núna er verið að viðurkenna að það verði 600 milljarðar $ þannig að engin ástæða er til að ætla annað en það verði á endanum trilljónir dollara.

Ein trilljón dollara = 1.000.000.000.000 = þúsund milljarðar = milljón milljónir

[Sveinn hinn Ungi (IP-tala skráð) 3.3.2008 kl. 13:16]

Ég er farinn að hallast að því að það sem Íslensku bankarnir þurfi núna sé að vera gleyptir í heilu lagi af stórum erlendum bönkum. Verð á hlut er líklega aukaatriði úr því sem komið er. Sameining hér innanlands hefur ekkert að segja þegar vandinn er kominn á þetta stig.

[Sveinn hinn Ungi (IP-tala skráð) 3.3.2008 kl. 13:25]

Um áramótin sögðu þeir hjá Straumi að þeir gætu fjármagnað sig í 9 mánuði, (270 dag), nú eru 2 mánuðir liðnir, 7 eftir, og staðan á mörkuðunum hefur versnað síðan.

[Baldur Fjölnisson, 3.3.2008 kl. 14:10]

Það hefur aldrei heyrst af minnsta áhuga erlendra banka á þessum bönkum okkar, einhverra hluta vegna. Ónýtur gjaldmiðill fælir þá síðan frá innlendum markaði en hugsanlega hefðu þeir áhuga á erlendum eignum bankanna - ef þær eru þá á annað borð álitlegar.